కామన్‌ వెల్త్ గేమ్స్-2022 లో భారత్ వెయిట్ లిఫ్టర్ల హవా కొనసాగుతుంది. వెయిట్ లిఫ్టింగ్ లో భారత్ పతకాల సంఖ్య తొమ్మిదికి చేరింది. ఇప్పటికి భారత్ ఖాతాలో 14 పతకాలు చేరగా అందులో 9 పతకాలు వెయిట్ లిఫ్టింగ్ విభాగంలోనే సాధించడం విశేషం. గేమ్స్ లో ఆరో రోజైన ఆగస్టు 3, బుధవారం నాడు భారత్ వెయిట్ లిఫ్టర్‌ లవ్‌ప్రీత్ సింగ్ కాంస్య పతకం కైవసం చేసుకున్నాడు. పురుషుల 109 కేజీల విభాగంలో లవ్‌ప్రీత్ సింగ్ 355 కేజీలు (స్నాచ్‌లో 163 కేజీలు, క్లీన్‌ అండ్‌ జర్క్‌లో 192 కేజీలు) ఎత్తి మూడో స్థానంలో నిలవడంతో కాంస్య పతకాన్ని గెలుచుకున్నాడు.
లవ్‌ప్రీత్ సింగ్ స్నాచ్ లో మూడు ప్రయత్నాల్లో వరుసగా 157, 161, 163 కేజీలు లిఫ్ట్ చేశాడు. అనంతరం క్లీన్‌ అండ్‌ జర్క్‌ లో తొలి ప్రయత్నంలో 185 కేజీలు, రెండో ప్రయత్నంలో 189 కేజీలు, మూడో ప్రయత్నం 192 కేజీలు లిఫ్ట్ చేశాడు. ఇక 109 కేజీల విభాగంలో కామెరూన్‌కు చెందిన జూనియర్ పెరిక్లెక్స్ 361 కేజీలు ఎత్తి స్వర్ణం పతకం, సమోవాకు చెందిన జాక్ ఒపెలోజ్ 358 కేజీలు ఎత్తి రజత పతకాన్ని దక్కించుకున్నారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY
