ఆస్ట్రేలియన్ ఓపెన్-2022 పురుషుల సింగిల్స్ టైటిల్ ను ఆరో సీడ్, స్పెయిన్ దిగ్గజ ఆటగాడు రఫెల్ నాదల్ రెండోసారి తన ఖాతాలో వేసుకున్నాడు. ఆదివారం నాడు అయిదున్నర గంటల పాటు హోరాహోరీగా సాగిన ఆస్ట్రేలియన్ ఓపెన్-2022 ఫైనల్ పోరులో రష్యా ఆటగాడు, రెండో సీడ్ మెద్వెదెవ్ పై 2-6, 6-7 (5-7), 6-4, 6-4, 7-5తో అద్భుత విజయం సాధించి మరో గ్రాండ్ స్లామ్ ను సొంతం చేసుకున్నాడు. రఫెల్ నాదల్ ఆస్ట్రేలియన్ ఓపెన్ గెలవడం ఇది రెండోసారికాగా, తొలిసారి 2009లో టైటిల్ గెలుచుకున్నాడు.
అత్యధిక గ్రాండ్స్లామ్ టైటిళ్లు గెలిచిన ఆటగాడిగా రఫెల్ నాదల్ రికార్డ్:
ఆస్ట్రేలియన్ ఓపెన్ గెలవడంతో, 21 గ్రాండ్ స్లామ్ టైటిళ్లను గెలుచుకున్న మొదటి వ్యక్తిగా అవతరించి, రఫెల్ నాదల్ చరిత్ర సృష్టించాడు. ఇప్పటివరకు అత్యధిక గ్రాండ్స్లామ్ సింగిల్స్ టైటిల్స్ గెలిచిన ఆటగాళ్ళుగా రఫెల్ నాదల్(20), రోజర్ ఫెదరర్ (20), నోవాక్ జకోవిచ్ (20) సమంగా ఉండగా, తాజా విజయంతో అత్యధిక గ్రాండ్స్లామ్ టైటిళ్లు (21) గెలిచిన ఆటగాడిగా రఫెల్ నాదల్ రికార్డు నెలకొల్పాడు. ఈ ఘనత సాధించిన రఫెల్ నాదల్ కు రోజర్ ఫెదరర్, నోవాక్ జొకోవిచ్ లు శుభాకాంక్షలు తెలిపారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ