తండ్రి అయిన విరాట్ కోహ్లీ, ఆడబిడ్డకు జన్మనిచ్చిన అనుష్క శర్మ

January 11, 2021

టీమిండియా కెప్టెన్‌ విరాట్‌ కోహ్లి తండ్రి అయ్యారు. విరాట్ కోహ్లీ భార్య నటి అనుష్క శర్మ సోమవారం నాడు ఆడబిడ్డకు జన్మనిచ్చారు. ఈ విషయాన్ని ట్విట్టర్ వేదికగా విరాట్ కోహ్లీ వెల్లడించాడు. “ఈ రోజు మధ్యాహ్నం మాకు ఆడపిల్ల పుట్టిందని మీతో పంచుకోవడం చాలా ఆనందంగా ఉంది. ప్రేమ, ప్రార్థనలు మరియు శుభాకాంక్షలు తెలియజేసిన మీఅందరికీ ధన్యవాదాలు. అనుష్క మరియు బిడ్డ ఇద్దరూ ఆరోగ్యంగా ఉన్నారు మరియు మా జీవితంలో ఈ కొత్త అధ్యాయం ప్రారంభం కావడంతో చాలా ఆనందంగా ఉన్నాం. ఈ సమయంలో మీరు మా ప్రైవసీని గౌరవించగలరని మేము ఆశిస్తున్నాం” అని విరాట్ కోహ్లీ ట్వీట్ చేశారు. ఈ సందర్భంగా పలువురు క్రీడా, సినీ ప్రముఖులు, హీరోయిన్స్, అభిమానులు పెద్ద ఎత్తున కోహ్లీ దంపతులకు శుభాకాంక్షలు తెలియజేశారు.