తెలంగాణ రాష్ట్ర ఐటీ, పరిశ్రమల శాఖ మంత్రి కేటీ రామారావు నేటి నుంచి విదేశీ పర్యటనకు వెళ్తున్నారు. రాష్ట్రానికి పెట్టుబడులను ఆకర్షించమే లక్ష్యంగా పది రోజుల పాటు విదేశాల్లో పర్యటించనున్నారు. ఈ క్రమంలో బ్రిటన్తో పాటు స్విట్జర్లాండ్ దేశాలలో వివిధ పరిశ్రమల అధిపతులను, సిబ్బందిని కలవనున్నారు. దీనిలో భాగంగా మొదటగా లండన్కు వెళ్లనున్నారు. లండన్లో మూడు రోజుల పాటు పలు ప్రముఖ సంస్థల అధిపతులు, సీఈవోలతో సమావేశం కానున్నారు. తద్వారా వారిని తెలంగాణాలో పెట్టుబడులకు ఒప్పించనున్నారు. మే 17 నుంచి 21 వరకు లండన్లో పర్యటించనున్న కేటీఆర్.. ఆ తర్వాత స్విట్జర్లాండ్ వెళ్లనున్నారు. దీనిని మంత్రి కేటీఆర్ తన ట్విట్టర్ ద్వారా తెలియజేశారు.
Off to the United Kingdom for three days to attend meetings organised by @UKIBC and from there on to Davos to attend the world economic forum from 22-26th May
Lots of meetings lined up and hectic activity ahead
— KTR (@KTRTRS) May 17, 2022
అనంతరం మే 22 నుంచి 26 వరకు స్విట్జర్లాండ్లోని దావోస్ వేదికగా జరిగే ప్రపంచ ఆర్ధికవేదిక సదస్సులో పాల్గొననున్నారు. ఆ సదస్సులో ప్రపంచ దేశాల రాజకీయ వ్యాపార ప్రముఖులతో చర్చలు జరుపనున్నారు. అలాగే ‘ఎమర్జింగ్ టెక్నాలజీస్ ద్వారా సామాన్యులకు మెరుగైన సేవలు’ అనే ముఖ్యమైన అంశంపై సభికులనుద్దేశించి ప్రసంగించనున్నారు. మే 26న తిరిగి రాష్ట్రానికి చేరుకోనున్న మంత్రి కేటీఆర్ బృందంలో పరిశ్రమల శాఖ ముఖ్య కార్యదర్శి జయేశ్ రంజన్ సహా సంబంధిత శాఖల అధికారులు పలువురు ఉన్నారు. ఒక నెల క్రితం మంత్రి ఇదేవిధంగా పదిరోజుల పాటు అమెరికా పర్యటన చేసిన విషయం తెలిసిందే. కాగా 12 ఏళ్ల తర్వాత కేటీఆర్ లండన్ లో పర్యటిస్తున్న నేపథ్యంలో వెస్ట్ లండన్ లోని పలు ప్రాంతాల్లో కేటీఆర్ కు స్వాగతం పలుకుతూ ఫ్లెక్సీలు ఏర్పాటు చేశారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ