తెలంగాణకు భారీ పెట్టుబడులను ఆహ్వానించాలన్న లక్ష్యంతో దావోస్ పర్యటనకు వెళ్లిన రాష్ట్ర ఐటీ, పరిశ్రమల శాఖ మంత్రి కేటీఆర్ తాజాగా మరో కీలక ఒప్పందాన్ని కుదుర్చుకున్నారు. ప్రముఖ ఫైనాన్షియల్ సర్వీసెస్ కంపెనీ ‘మాస్టర్కార్డ్’ తో తెలంగాణ ప్రభుత్వం ఒప్పందం కుదుర్చుకుంది. స్విట్జర్లాండ్లోని దావోస్లో జరుగుతున్న వరల్డ్ ఎకానమిక్ ఫోరమ్ సదస్సుకు హాజరైన తెలంగాణ ఐటీశాఖ మంత్రి కేటీఆర్.. మాస్టర్కార్డ్ అధ్యక్షుడు మైఖేల్ ఫ్రోమెన్ తో భేటీ అయ్యారు. ఈ మేరకు డిజిటల్ స్టేట్ పార్ట్నర్షిప్లో భాగంగా ఈ ఒప్పందం జరిగినట్లు మంత్రి కేటీఆర్ తన ట్విట్టర్ ద్వారా తెలిపారు.
In line with its vision of a Digital Telangana, the Govt. of Telangana entered into an MoU with @Mastercard to formalize a Digital State Partnership. The announcement was made in the presence of Minister @KTRTRS & Mastercard VC & President Michael Froman in Davos #InvestTelangana pic.twitter.com/zHx23l3Wra
— Minister for IT, Industries, MA & UD, Telangana (@MinisterKTR) May 26, 2022
మాస్టర్కార్డ్ సహకారంతో రాష్ట్రంలో వ్యాపార రంగ సేవలను అత్యంత వేగంగా డిజిటలైజ్ చేయవచ్చని మంత్రి అభిప్రాయపడ్డారు. ఫైనాన్షియల్ సర్వీసెస్ కంపెనీ మాస్టర్కార్డ్తో కుదిరిన డీల్ వలన ప్రపంచ స్థాయిలో పరిష్కారాలను అందించగలుగుతామని మంత్రి కేటీఆర్ తన ట్విట్టర్లో వెల్లడించారు. చిన్న, మధ్య తరహా వ్యాపారాలు సహా రైతులకు కూడా డిజిటల్ సేవలను అందించవచ్చని పేర్కొన్నారు. ప్రభుత్వం విడుదల చేసిన ఒక ప్రకటన ప్రకారం, మాస్టర్కార్డ్ పంపిణీలు, వ్యవసాయ రంగ డిజిటలైజేషన్, సైబర్ సెక్యూరిటీ మరియు డిజిటల్ అక్షరాస్యతతో సహా పలు ప్రాధాన్యతా రంగాలలో రాష్ట్రంతో సహకరించనుంది.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ