ఆమెకి అవకాశం ఇస్తే క‌రెన్సీ నోట్ల‌పై గాంధీకి బదులు ప్రధాని మోదీ బొమ్మ ముద్రిస్తారేమో – మంత్రి కేటీఆర్

September 16, 2022

తెలంగాణ రాష్ట్ర ఐటీ, పరిశ్రమలశాఖ మంత్రి కేటీఆర్ కేంద్ర ఆర్థిక శాఖ మంత్రి నిర్మ‌లా సీతారామ‌న్‌పై సంచలన వ్యాఖ్యలు చేశారు. గుజ‌రాత్‌ రాజధాని అహ్మ‌దాబాద్‌లో ఎల్‌జీ మెడికల్ కాలేజీని నరేంద్ర మోదీ మెడికల్ కాలేజీగా పేరు మార్చడంపై స్పందించిన ఆయన నిర్మ‌లా సీతారామ‌న్‌పై వ్యంగ్య బాణాలు సంధించారు. ఈ మేరకు మంత్రి కేటీఆర్ ప్రముఖ సోషల్ మీడియా ట్విట్టర్ వేదికగా పలు వ్యాఖ్యలు చేశారు. అందులో ఆయన ఇలా అన్నారు.. ‘అహ్మదాబాద్‌లోని ఎల్‌జీ మెడికల్ కాలేజీకి నరేంద్ర మోదీ మెడికల్ కాలేజీగా పేరు మార్చారు. ఇప్పటికే సర్దార్ పటేల్ స్టేడియం పేరును నరేంద్ర మోదీ స్టేడియంగా మార్చారు. ఇది ఇలాగే కొనసాగితే, కేంద్ర ఆర్థిక శాఖ మంత్రి నిర్మ‌లా సీతారామ‌న్‌.. కొత్తగా తయారుచేసే కరెన్సీ నోట్లపై మహాత్మా గాంధీ స్థానంలో ప్రధాని మోదీ బొమ్మను ముద్రించాలని త్వరలోనే ఆర్బీఐను ఆదేశించవచ్చు’ అని మంత్రి కేటీఆర్ తెలిపారు.

LG medical college in Ahmedabad renamed as Narendra Modi medical college!

Already Sardar Patel stadium has been renamed as Narendra Modi stadium

If FM Nirmala Ji has her way, RBI may soon be ordered to print new currency notes where Mahatma Gandhi Ji will be replaced by Modi Ji

— KTR (@KTRTRS) September 16, 2022