ఉమెన్స్ డే సందర్భంగా.. 27 మంది మ‌హిళ‌ల‌కు తెలంగాణ ప్రభుత్వం పుర‌స్కారాలు, రూ.లక్ష నగదు రివార్డ్

March 7, 2023

అంతర్జాతీయ మ‌హిళా దినోత్సవాన్ని పురస్కరించుకొని పలు రంగాల్లో విశిష్ట సేవలందిస్తున్న మహిళలకు తెలంగాణ‌ ప్రభుత్వం ‘తెలంగాణ రాష్ట్ర విశిష్ట మహిళా పురస్కారాలు’ ప్రకటించింది. ఈ మేరకు పలు రంగాలకు చెందిన మొత్తం 27 మందిని ఈ స్పెషల్ అవార్డులకు ఎంపిక చేస్తూ రాష్ట్ర ప్రభుత్వ ప్రత్యేక కార్యదర్శి భార‌తి హోళీకేరి సోమవారం ఉత్తర్వులు జారీచేశారు. ఈ ఏడాది (2023) మొత్తం 27 మంది మహిళలకు అవార్డుతో పాటు ప్రతి ఒక్కరికి 1 లక్ష రూపాయల చొప్పున నగదు పురస్కారాన్ని కూడా అందజేయనున్నామని ప్రభుత్వ వర్గాలు వెల్లడించాయి. కాగా అంతర్జాతీయ మహిళా దినోత్సవం సందర్భంగా మహిళా ఉద్యోగులకు తెలంగాణ ప్రభుత్వం ఇప్పటికే సెలవు ప్రకటించిన విషయం తెలిసిందే. అలాగే ఈ సందర్భంగా సెర్ప్‌, మెప్మా మహిళలకు వడ్డీ లేని రుణాలు అందిస్తామని మంత్రి హరీశ్‌ రావు ప్రకటించారు. దీనికి సంబంధించి ఈనెల 8న రూ.750 కోట్ల రుణాలు విడుదల చేయనున్నట్లు ఆయన వెల్లడించారు. ఇక పురస్కారాలకు ఎంపికైన వారికి రాష్ట్ర స్త్రీ, శిశు, గిరిజన సంక్షేమ శాఖ మంత్రి సత్యవతీ రాథోడ్‌ శుభాకాంక్షలు తెలిపారు.

తెలంగాణ ప్రభుత్వం అవార్డులు పొందిన 27 మ‌హిళ‌లు వీరే..