ఆంధ్రప్రదేశ్ రాష్ట్రంలో కొత్తగా 218 కోవిడ్-19(కరోనా వైరస్) పాజిటివ్ కేసులు నమోదయ్యాయి. వీటిలో 136 స్థానిక కేసులు కాగా, విదేశాల నుంచి వచ్చిన వారు 56 మంది, ఇతర రాష్ట్రాల నుంచి వచ్చిన వారు 26 మంది ఉన్నారు. కొత్తగా నమోదైన 136 కేసులతో కలిపి జూన్ 10, బుధవారం ఉదయానికి రాష్ట్రంలో కరోనా పాజిటివ్ కేసుల సంఖ్య 4126 కు చేరినట్టు రాష్ట్ర వైద్య ఆరోగ్యశాఖ బులెటిన్‌ విడుదల చేసింది.
రాష్ట్రంలో గత 24 గంటల్లో(9AM-9AM) జరిగిన కోవిడ్-19 పరీక్షల్లో 15384 సాంపిల్స్ ని పరీక్షించగా 136 మంది కోవిడ్-19 పాజిటివ్ గా నిర్ధారించబడ్డారు. అలాగే కొవిడ్ వలన తూర్పుగోదావరి జిల్లాలో ఒక్కరు మరణించగా, ఈ వైరస్ వలన రాష్ట్రంలో మరణించిన వారి సంఖ్య 78 కి చేరింది. మరోవైపు రాష్ట్రంలో నమోదైన కేసుల్లో 2475 మంది కోలుకుని డిశ్చార్జి అవ్వగా, గత 24 గంటల్లో 72 మంది కోవిడ్ నుండి కోలుకొని సంపూర్ణ ఆరోగ్యంతో డిశ్చార్జ్ చేయబడ్డారని తెలిపారు. ప్రస్తుతం 1573 మంది చికిత్స పొందుతున్నారు.
ఇక ఏపీకి ఇతర రాష్ట్రాల నుంచి వచ్చిన వారిలో ఇప్పటివరకు 933 మందికి కరోనా నిర్ధారణ అవ్వగా ప్రస్తుతం 557 మంది ఆసుపత్రుల్లో చికిత్స పొందుతున్నారని తెలిపారు. విదేశాల నుండి వచ్చిన వారిలో ఇప్పటికి 188 మందికి కరోనా పాజిటివ్ గా నిర్ధారణ కాగా 170 మంది చికిత్స పొందుతున్నారని పేర్కొన్నారు. ఈ 1121 కేసులతో కూడా కలిపి రాష్ట్రంలో మొత్తం నమోదైన కేసుల సంఖ్య 5247 కి చేరింది.
— ArogyaAndhra (@ArogyaAndhra) June 10, 2020
మ్యాంగో న్యూస్ యాప్ లింక్స్:
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJu
