తెలుగుదేశం పార్టీ (టీడీపీ) అధినేత, మాజీ ముఖ్యమంత్రి నారా చంద్రబాబు నాయుడు నేటి (డిసెంబర్ 22, గురువారం) నుంచి మూడు రోజుల పాటుగా విజయనగరం జిల్లాలో పర్యటించనున్నారు. ఈ పర్యటనలో భాగంగా గురువారం రాజాం, డిసెంబర్ 23-శుక్రవారం నాడు బొబ్బిలి, డిసెంబర్ 24-శనివారం నాడు విజయనగరం నియోజకవర్గాల్లో ‘ఇదేం ఖర్మ మన రాష్ట్రానికి’ కార్యక్రమంలో చంద్రబాబు పాల్గొననున్నారు. చంద్రబాబు పర్యటన నేపథ్యంలో జిల్లాలో బైక్ ర్యాలీలు, రోడ్ షోలు, బహిరంగ సభలను విజయవంతం చేసేందుకు స్థానిక నాయకులు అన్ని ఏర్పాట్లను పూర్తి చేశారు. ఈ పర్యటనలో భాగంగా గురువారం సాయంత్రం 4 గంటలకు చంద్రబాబు విజయనగరం జిల్లా రాజాం మండలం పొగిరి గ్రామంకు చేరుకోనున్నారు.
డిసెంబర్ 22-గురువారం:
- గురువారం సాయంత్రం పొగిరి వద్ద చంద్రబాబుకు పార్టీ శ్రేణుల స్వాగతం
- వీఆర్ అగ్రహారం కూడలి నుంచి రాజాం వరకు బైక్ర్యాలీ నిర్వహణ
- సాయంత్రం 5.30 గంటలకు శ్రీచైతన్య కళాశాల మీదుగా రాజాంలోని ప్రధానమార్గంలో రోడ్షో
- రాజాంలోని మోర్ సూపర్ మార్కెట్ ప్రాంతంలో బహిరంగ సభ
- రాత్రి 7.45 గంటలకు రాజాం ఆర్సీఎం చర్చిలో సెమీ క్రిస్మస్ వేడుకల్లో పాల్గొననున్న చంద్రబాబు
- అనంతరం తృప్తి రిసార్ట్స్కు చేరుకుని రాత్రి బస.
డిసెంబర్ 23-శుక్రవారం:
- శుక్రవారం ఉదయం 11 గంటలకు తృప్తి రిసార్ట్స్లో ఓబీసీ నాయకులతో చంద్రబాబు సమావేశం అవుతారు.
- అనంతరం బొబ్బిలి పర్యటన, మధ్యాహ్నం 2 గంటలకు పెరుమాళికి చేరుకుంటారు.
- పెరుమాళి నుంచి బొబ్బిలి మండలం గొల్లపల్లి వరకు బైక్ర్యాలీ నిర్వహణ
- సాయంత్రం 5.30 గంటలకు బొబ్బిలి చర్చి సెంటర్ నుంచి రోడ్షో
- అనంతరం బొబ్బిలి కళాభారతి వాటర్ ట్యాంకు వద్ద బహిరంగ సభ
- శుక్రవారం రాత్రి బొబ్బిలి ప్యాలెస్ లో బస
డిసెంబర్ 24-శనివారం:
- శనివారం ఉదయం 11 గంటలకు బొబ్బిలి కోటలోని దర్బార్మహల్లో రైతులతో చంద్రబాబు సమావేశం
- అనంతరం విజయనగరం పర్యటన, సాయంత్రం 4.30 గంటలకు ద్వారపూడి జంక్షన్ వద్ద చంద్రబాబుకు పార్టీ శ్రేణుల స్వాగతం పలుకుతారు.
- విజయనగరంలోని వెంకటలక్ష్మి థియేటర్ ప్రాంతం నుంచి విజయనగరం కోట వరకు రోడ్షో
- కోట జంక్షన్ వద్ద బహిరంగ సభలో చంద్రబాబు ప్రసంగం
- అనంతరం చంద్రబాబు విశాఖ ఎయిర్పోర్ట్కు చేరుకుని, అక్కడి నుంచి హైదరాబాద్ కు వెళ్లనున్నారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE