దేశంలో గత 24 గంటల్లో 210 కరోనా పాజిటివ్ కేసులు నమోదు, రికవరీ రేటు ఎంతంటే?

December 10, 2022

దేశంలో కరోనా మహమ్మారి పూర్తిగా తగ్గుముఖం పట్టింది. కొత్తగా 250 లోపే రోజువారీ పాజిటివ్ కేసులు నమోదయ్యాయి. గత 24 గంటల్లో 210 పాజిటివ్ కేసులు నమోదయ్యాయి. దీంతో డిసెంబర్ 10, శనివారం ఉదయం 8 గంటల నాటికీ మొత్తం కరోనా కేసుల సంఖ్య 4,46,74,649 కు చేరుకుంది. అలాగే కొత్తగా ఎలాంటి కరోనా మరణాలు సంభవించలేదు, దీంతో మొత్తం మరణాల సంఖ్య 5,30,654గా ఉంది. ఇక దేశంలో గత 24 గంటల్లో 1,33,173 కరోనా పరీక్షలు నిర్వహించగా, రోజువారీ పాజీటివిటీ రేటు 0.15 శాతంగా నమోదైంది.

అలాగే మరో 390 మంది బాధితులు కరోనా నుంచి పూర్తిగా కోలుకున్నారు. దీంతో ఇప్పటివరకు కోలుకున్న వారి మొత్తం సంఖ్య 44139948 కు చేరుకుంది. కరోనా రికవరీ రేటు 98.80 శాతం గానూ, మరణాల రేటు 1.19 శాతంగా ఉంది. దేశవ్యాప్తంగా ప్రస్తుతం ఆసుపత్రుల్లో, హోమ్ ఐసొలేషన్ లలో 4,047 (0.01%) మంది చికిత్స పొందుతున్నారు. ముఖ్యంగా కేరళ, కర్ణాటక, మహారాష్ట్ర, తెలంగాణ, తమిళనాడు వంటి రాష్ట్రాల్లోనే కొత్త కరోనా కేసులు కొంత ఎక్కువుగా నమోదయ్యాయి.