కేంద్రప్రభుత్వం కీలక నిర్ణయం, మరో 43 చైనా ఆధారిత యాప్స్ పై బ్యాన్

November 24, 2020

దేశ భద్రతా కారణాల దృష్ట్యా ఇప్పటికే రెండు దఫాలుగా 176 చైనా ఆధారిత యాప్‌లపై కేంద్రప్రభుత్వం నిషేధం విధించిన సంగతి తెలిసిందే. తాజాగా చైనా‌ నుంచి కార్యకలాపాలు నిర్వహించే అలీ ఎక్స్ ప్రెస్ సహా మరో 42 మొబైల్‌ యాప్‌లపై కేంద్ర ఎలక్ట్రానిక్స్‌ అండ్ ఇన్ఫర్మేషన్ టెక్నాలజీ శాఖ నిషేధం విధించింది. ఇన్ఫర్మేషన్ టెక్నాలజీ యాక్ట్ యొక్క సెక్షన్ 69 ఎ కింద భారతదేశంలో పౌరులు ఈ యాప్స్ వినియోగించకుండా నిషేదించినట్టు పేర్కొన్నారు. భారతదేశం యొక్క సార్వభౌమాధికారం, సమగ్రత, రక్షణ, భద్రత విషయంలో ఈ యాప్స్ కి సంబంధించి తీసుకున్న ఇన్‌పుట్‌ల ఆధారంగా, వాటిని నిషేదించాలని నిర్ణయం తీసుకున్నట్టు తెలిపారు.