దేశంలో కరోనా : కొత్తగా 16,906 పాజిటివ్ కేసులు, 45 మరణాలు నమోదు

July 13, 2022

దేశంలో కరోనా ప్రభావం కొనసాగుతుంది. అయితే రోజువారీ కరోనా పాజిటివ్ కేసులు 20 వేలకు దిగువగానే నమోదవుతున్నాయి. కేంద్ర ఆరోగ్య, కుటుంబ సంక్షేమ మంత్రిత్వ శాఖ సమాచారం ప్రకారం గత 24 గంటల్లో కొత్తగా 16,906 పాజిటివ్ కేసులు, 45 మరణాలు నమోదయ్యాయి. దీంతో జూలై 13, బుధవారం ఉదయం 8 గంటల నాటికీ కరోనా కేసుల సంఖ్య 4,36,69,850 కు, మరణాల సంఖ్య 5,25,519 కి పెరిగిందని తెలిపారు. రోజువారీ పాజీటివిటీ రేటు 3.68 శాతంగా నమోదవగా, వీక్లి పాజీటివిటీ రేటు 4.26 శాతంగా ఉంది.

అలాగే గత 24 గంటల వ్యవధిలో 15,447 మంది కరోనా బాధితులు కోలుకున్నారు. దీంతో ఇప్పటివరకు కోలుకున్న వారి మొత్తం సంఖ్య 4,30,11,874 కు చేరుకుంది. కరోనా రికవరీ రేటు 98.49 శాతం గానూ, మరణాల రేటు 1.20 శాతంగా ఉంది. దేశవ్యాప్తంగా ప్రస్తుతం ఆసుపత్రుల్లో, హోమ్ ఐసొలేషన్ లలో 1,32,457 (0.30%) మంది చికిత్స పొందుతున్నారు. కాగా దేశంలో గత 24 గంటల్లో 4,59,302 కరోనా పరీక్షలు నిర్వహించగా, ఇప్పటివరకు నిర్వహించిన మొత్తం పరీక్షల సంఖ్య 86.77 కోట్లు (86,77,69,574) దాటింది.