దేశంలో మంగళవారం ఉదయానికి 20,23,809 మందికి కరోనా వ్యాక్సిన్

January 26, 2021

దేశంలో కరోనా వాక్సిన్ పంపిణీ కొనసాగుతుంది. జనవరి 26, మంగళవారం ఉదయం 8 గంటల వరకు దేశవ్యాప్తంగా 20,23,809 మంది లబ్ధిదారులకు కరోనా వ్యాక్సిన్ ఇచ్చినట్టు కేంద్ర ఆరోగ్య, కుటుంబ సంక్షేమ శాఖ వెల్లడించింది. గత 24 గంటల్లో మొత్తం 7,764 కేంద్రాల్లో 4,08,305 మందికి కరోనా వ్యాక్సిన్ వేసినట్టు పేర్కొన్నారు. మరోవైపు అన్ని రాష్ట్రాలు/కేంద్రపాలిత ప్రాంతాల్లో కలిపి 36,378 సెషన్లు నిర్వహించినట్టు తెలిపారు. ఇప్పటివరకు అత్యధికంగా కర్ణాటకలో(2,31,172), ఒడిశాలో (1,77,090), రాజస్థాన్ లో (1,61,116), ఆంధ్రప్రదేశ్ లో (1,56,120), మహారాష్ట్రలో (1,36,901), తెలంగాణలో (1,30,390), ఉత్తరప్రదేశ్ లో (1,23,761), వెస్ట్ బెంగాల్ లో (1,22,851) లబ్దిదారులకు కరోనా వ్యాక్సిన్ వేసినట్టు కేంద్రం తెలిపింది.