క్రికెట్ అభిమానులు ఎంతగానో ఎదురు చూస్తున్న టీ20 ప్రపంచ కప్-2022 కీలక సమరం నేటితో ప్రారంభం కానుంది. టీ20 ప్రపంచ కప్-2022 అక్టోబర్ 16 నుండి ఆస్ట్రేలియాలో ప్రారంభం కాగా అక్టోబర్ 21 వరకు ఫస్ట్ రౌండ్ మ్యాచ్ లు జరిగాయి. దీంతో నేటి నుంచే (అక్టోబర్ 22, శనివారం) సూపర్-12 రౌండ్ ప్రారంభం కానుంది. భారత్, పాకిస్థాన్, దక్షిణాఫ్రికా, బంగ్లాదేశ్, ఇంగ్లాండ్, ఆస్ట్రేలియా, న్యూజిలాండ్, ఆఫ్ఘనిస్థాన్ జట్లు నేరుగా సూపర్ 12 రౌండ్కు అర్హత సాధించగా, ఫస్ట్ రౌండ్ అనంతరం శ్రీలంక, నెదర్లాండ్స్, జింబాంబ్వే, ఐర్లాండ్ జట్లు సూపర్-12 రౌండ్ కు చేరుకున్నాయి. సూపర్-12లో గ్రూప్-1 లో ఇంగ్లాండ్, ఆస్ట్రేలియా, న్యూజిలాండ్, ఆఫ్ఘనిస్థాన్, శ్రీలంక, ఐర్లాండ్ జట్లు ఉండగా, గ్రూప్-2 లో భారత్, పాకిస్థాన్, దక్షిణాఫ్రికా, బంగ్లాదేశ్, నెదర్లాండ్స్, జింబాంబ్వే జట్లు ఉన్నాయి.
సూపర్-12 రౌండ్ లో భాగంగా తొలిమ్యాచ్ గ్రూప్-1 లోని ఆస్ట్రేలియా, న్యూజిలాండ్ మధ్య భారత కాలమానం ప్రకారం శనివారం మధ్యాహ్నం 12.30 గంటలకు ప్రారంభం కానుంది. అలాగే రెండో మ్యాచ్ ఇంగ్లాండ్, ఆఫ్ఘనిస్థాన్ జట్ల మధ్య సాయంత్రం 4.30 గంటలకు ప్రారంభం కానుంది. ఇక టీ20 ప్రపంచ కప్-2022లో భారత్ జట్టు రేపు (అక్టోబర్ 23, ఆదివారం) తొలి మ్యాచ్ పాకిస్తాన్ తో ఆడనుంది. గ్రూప్-2 లో ఉన్న భారత్, పాకిస్తాన్ రేపు తలపడనున్నాయి. మెల్ బోర్న్ ఏంసీజీ స్టేడియంలో మరోసారి జరగనున్న దాయాదుల మధ్య ఆసక్తికర, ఉత్కంఠ పోరు కోసం క్రీడాభిమానులు ఎదురుచూస్తున్నారు.
మరోవైపు టీ20 ప్రపంచ కప్-2022 తోలి సెమీ ఫైనల్ సిడ్నీలో నవంబర్ 9న, రెండవ సెమీ ఫైనల్ అడిలైడ్ లో నవంబర్ 10న జరుగనుంది. అలాగే మెల్ బోర్న్ వేదికగా ఫైనల్ నవంబర్ 13, ఆదివారం నాడు జరుగనుంది. కాగా ఈ టోర్నమెంట్ మొత్తం ఆస్ట్రేలియాలోని కార్డినియా పార్క్, బెల్లెరివ్ ఓవల్, ది గబ్బా, పెర్త్ స్టేడియం, అడిలైడ్ ఓవల్, సిడ్నీ క్రికెట్ గ్రౌండ్, మెల్ బోర్న్ క్రికెట్ గ్రౌండ్ వంటి ఏడు స్టేడియాల్లోనే జరగనుంది. రసవత్తరంగా సాగనున్న సూపర్-12 రౌండ్ లో ఘన విజయాలతో ఏ జట్లు సెమీస్ కు చేరనున్నాయి?, ఏ జట్టు టీ20 ప్రపంచ కప్ సొంతం చేసుకోనుందో వేచి చూడాల్సి ఉంది.
టీ20 ప్రపంచ కప్-2022: సూపర్-12 లో టీమిండియా మ్యాచ్ ల షెడ్యూల్:
- అక్టోబర్ 23: భారత్ x పాకిస్థాన్: సమయం –మధ్యాహ్నం 1:30 గంటలకు
- అక్టోబర్ 27 భారత్ x నెదర్లాండ్స్: సమయం – మధ్యాహ్నం 12:30 గంటలకు
- అక్టోబర్ 30 భారత్ x సౌతాఫ్రికా: సమయం – సాయంత్రం 4:30 గంటలకు
- నవంబర్ 2 భారత్ x బంగ్లాదేశ్: సమయం – మధ్యాహ్నం 1:30 గంటలకు
- నవంబర్ 6 భారత్ x జింబాబ్వే: సమయం – మధ్యాహ్నం 1.30 గంటలకు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY