దేశంలో కరోనా వ్యాప్తి.. 24 గంటల్లో కొత్తగా 224 కేసులు నమోదు, 4 వేలకు పడిపోయిన యాక్టివ్ కేసులు

May 30, 2023

భారత్‌లో కరోనా మహమ్మారి వ్యాప్తి క్రమంగా అదుపులోకి వస్తోంది. ఈ నెల ప్రారంభంలో ప్రతిరోజూ వెయ్యికి పైనే నమోదయిన కొత్త కేసులు.. ఆ తర్వాత క్రమేపీ తగ్గుముఖం పట్టాయి. రెండు వారాల నుంచి రోజుకి వెయ్యి లోపే కేసులు నమోదవుతుండగా.. గత వారంలో మాత్రం కొత్త కేసులు భారీగా తగ్గాయి. ఈ నేపథ్యంలో తాజాగా కేంద్ర వైద్య ఆరోగ్యశాఖ దేశంలో కరోనాకు సంబంధించిన కేసుల వివరాలు వెల్లడించింది. దీని ప్రకారం.. గడిచిన 24 గంటల్లో (సోమవారం ఉదయం నుంచి మంగళవారం ఉదయం వరకు) మొత్తం 98,167 మందికి కరోనా నిర్ధారణ పరీక్షలు చేయగా.. కొత్తగా 224 మందిలో కోవిడ్-19 పాజిటివ్‌ వెలుగు చూసింది. దీంతో మొత్తం కేసుల సంఖ్య 4,49,90,278కి చేరింది. ఇక దేశంలో యాక్టివ్ కేసుల సంఖ్య 4 వేలకు పడిపోయింది. కాగా మరోవైపు ఒక్క రోజులో కరోనా మహమ్మారి బారిన పడి ఒక్కరు ప్రాణాలు కోల్పోయారు. తద్వారా దేశవ్యాప్తంగా మొత్తం కరోనా మరణాల సంఖ్య 5,31,867కి చేరింది.

దేశంలో కరోనా కేసులు వివరాలు (2023, మే 30, ఉదయం 8 గంటల వరకు):