దేశంలో కరోనా మహమ్మారి తీవ్రత కొనసాగుతుంది. వరుసగా ఆరో రోజు కూడా 2 లక్షలకుపైగానే పాజిటివ్ కేసులు నమోదయ్యాయి. గత 24 గంటల వ్యవధిలో 2,59,170 కరోనా కేసులు నమోదయ్యాయి. కొత్తగా నమోదైన కేసుల్లో 58,924 కేసులు ఒక్క మహారాష్ట్ర రాష్ట్రంలోనే నమోదయ్యాయి. ఏప్రిల్ 20, మంగళవారం ఉదయం 8 గంటల వరకు మొత్తం పాజిటివ్ కేసుల సంఖ్య 1,53,21,089 కు చేరింది. అలాగే కరోనాకు చికిత్స పొందుతూ మరో 1761 మంది మరణించడంతో మొత్తం మరణాల సంఖ్య 1,80,530 కు చేరుకుంది.
దేశంలో 20 లక్షలకు పైగా యాక్టీవ్ కేసులు, రికవరీ రేటు 85.86 శాతం:
ముఖ్యంగా మహారాష్ట్ర, ఉత్తర్ ప్రదేశ్, ఢిల్లీ, కర్ణాటక, ఛత్తీస్‌ గడ్, కేరళ, మధ్యప్రదేశ్, రాజస్థాన్, గుజరాత్, తమిళనాడు వంటి 10 రాష్ట్రాల్లోనే రోజువారీ కరోనా కేసులు పెద్దసంఖ్యలో నమోదయ్యాయి. దేశంలో యాక్టీవ్ కేసుల సంఖ్య మళ్ళీ 20 లక్షలు (20,31,977) దాటింది. మరోవైపు 1,54,761 మంది కోలుకోవడంతో ఇప్పటివరకు రికవరీ అయిన వారి మొత్తం సంఖ్య 1,31,08,582 కు చేరుకోగా, కరోనా రికవరీ రేటు 85.86 శాతంగా నమోదైంది. కరోనా మరణాల రేటు 1.18 శాతంగా ఉంది. ఇక ఏప్రిల్ 19, సోమవారం నాటికీ దేశవ్యాప్తంగా నిర్వహించిన కరోనా పరీక్షలు సంఖ్య 26,94,14,035 కు చేరుకుంది. గత 24 గంటల్లో 15,19,486 శాంపిల్స్ కు పరీక్షలు నిర్వహించినట్టు ఐసీఎంఆర్ వెల్లడించింది.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
