బుల్డోజర్లను స్విచ్ ఆఫ్ చేసి పవర్ ప్లాంట్లను ఆన్ చేయండి, కేంద్రంపై రాహుల్ గాంధీ విమర్శలు

April 21, 2022

కాంగ్రెస్ పార్టీ కీలక నేత, వయనాడ్ ఎంపీ రాహుల్ గాంధీ కేంద్రంలోని బీజేపీ ప్రభుత్వంపై మరోసారి విమర్శలు గుప్పించారు. దేశంలో ద్వేషంతో కూడిన బుల్డోజర్లను స్విచ్ ఆఫ్ చేసి పవర్ ప్లాంట్లను ఆన్ చేయండని రాహుల్ గాంధీ కేంద్రాన్ని డిమాండ్ చేశారు. “8 సంవత్సరాల అభివృద్ధిపై పెద్ద చర్చ జరిపారు, అయితే దేశంలో ప్రస్తుతం కేవలం 8 రోజుల బొగ్గు నిల్వలు మాత్రమే ఉన్నాయి. మోడీ జీ, ప్రతిష్టంభన పొంచి ఉంది. విద్యుత్ కోతలు చిన్న పరిశ్రమలను అణిచివేస్తాయి, ఇది మరింత ఉద్యోగ నష్టాలు/నిరుద్యోగానికి దారి తీస్తుంది. ద్వేషం యొక్క బుల్డోజర్లను స్విచ్ ఆఫ్ చేయండి మరియు పవర్ ప్లాంట్లను ఆన్ చేయండి!” అని రాహుల్ గాంధీ ట్వీట్ చేశారు. కాగా ఢిల్లీలోని హింస చోటుచేసుకున్న జహంగీర్‌పురి ప్రాంతం మరియు మధ్యప్రదేశ్‌లో ఆక్రమణలకు వ్యతిరేకంగా చేపడుతున్న చర్యల్లో బుల్డోజర్లలను ఉపయోగించడాన్ని రాహుల్ గాంధీ పరోక్షంగా ప్రస్తావిస్తూ కేంద్రంపై విమర్శలు చేశారు.

8 years of big talk has resulted in India having ONLY 8 DAYS of coal stocks.

Modi ji, stagflation is looming. Power cuts will crush small industries, leading to more job losses.

Switch off the bulldozers of hate and switch on the power plants! pic.twitter.com/CiqP9SlHMx

— Rahul Gandhi (@RahulGandhi) April 20, 2022