భారత్ వైమానిక దళాన్ని మరింత శక్తివంతంగా మార్చేందుకు దోహదపడే రఫేల్ యుద్ధవిమానాలను కేంద్ర ప్రభుత్వం కొనుగోలు చేసిన సంగతి తెలిసిందే. మొదటి బ్యాచ్ లో 5, రెండో బ్యాచ్ లో భాగంగా 3 రఫేల్ విమానాలు ఇప్పటికే భారత్ కు చేరుకోగా దేశ వైమానిక దళంలోకి ప్రవేశ పెట్టారు. కాగా జనవరి 27, బుధవారం రాత్రి మూడో బ్యాచ్‌లో భాగంగా మరో మూడు రఫేల్ విమానాలు భారత్ చేరుకున్నాయి. ఫ్రాన్స్‌ నగరం నుంచి బయల్దేరిన 3 రఫేల్ యుద్ధవిమానాలు నాన్ స్టాప్ గా ప్రయాణించి గుజరాత్ లోని జామ్‌నగర్‌ ఎయిర్ బేస్ లో ల్యాండ్ అయ్యాయి. ముందుగా రూ.59 వేల కోట్లతో మొత్తం 36 రఫేల్ విమానాలు కొనుగోలుకు ప్రాన్స్ తో భారత్ ఒప్పందం చేసుకుంది. ప్రస్తుతానికి 11 రఫేల్ యుద్ధవిమానాలు భారత్ కి చేరుకోగా, 2023 లోపు మిగతావి కూడా విడతల వారీగా చేరుకోనున్నట్టు తెలుస్తుంది.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
