కేంద్ర హోంశాఖ కార్యదర్శి అజయ్ భల్లా పదవీ కాలం మరో ఏడాది పొడిగింపు

August 20, 2022

కేంద్ర హోంశాఖ కార్యదర్శి అజయ్ భల్లా పదవీ కాలం మరో ఏడాది పొడిగించబడింది. ఈ మేరకు కేంద్ర ప్రభుత్వం ఉత్తర్వులు జారీ చేసింది. అస్సాం-మేఘాలయ కేడర్‌కు చెందిన 1984 బ్యాచ్ ఐఏఎస్ అధికారి అయిన అజయ్ భల్లా ఆగస్టు 2019 నుంచి హోం శాఖ సెక్రటరీగా విధులు నిర్వర్తిస్తున్నారు. మ‌రో మూడు రోజుల్లో అనగా ఆగస్టు 22, 2022 తో ఆయన పదవీకాలం ముగియనుండగా, కేబినెట్ నియామకాల కమిటీ ఆమోదం అనంతరం ఆయన సర్వీసును ఏడాది పాటు అనగా ఆగస్టు 22, 2023 వరకు పొడిగిస్తునట్టు పేర్కొన్నారు. హోం శాఖ కార్యదర్శిగా బాధ్యతలు స్వీకరించడానికి అజయ్ భల్లా అదే శాఖలో స్పెషల్ డ్యూటీ (ఓఎస్డీ) అధికారిగా ఉన్నారు. రాష్ట్రాలలో మరియు కేంద్రంలో వివిధ విభాగాలలో అజయ్ భల్లా పనిచేశారు.