ప్రపంచదేశాలను వణికిస్తున్న మంకీపాక్స్ ప్రస్తుతం అగ్రరాజ్యం అమెరికాను వణికిస్తోంది. రోజు రోజుకూ అక్కడ కేసుల సంఖ్య క్రమంగా పెరుగుతోంది. అమెరికాలో దాదాపు 6600 కేసులు నమోదు అవగా, అందులో మూడవ వంతు కేసులు ఒక్క న్యూయార్క్లోనే బయటపడ్డాయి. మరోవైపు కాలిఫోర్నియా, ఇలియాస్ రాష్ట్రాల్లోనూ కేసులు ఎక్కువగా నమోదవుతున్నాయి. ఈ నేపథ్యంలో అప్రమత్తమైన బైడెన్ సర్కార్ అక్కడ పబ్లిక్ హెల్త్ ఎమర్జెన్సీ ప్రకటించింది. ఇక ప్రపంచవ్యాప్తంగా 26వేలకు పైగా మంకీపాక్స్ కేసులు నమోదు అయినట్లు అమెరికా అంటువ్యాధుల సంస్థ సీడీసీ ప్రకటించింది. కాగా ప్రపంచవ్యాప్తంగా మంకీపాక్స్ కేసులు పెరుగుతున్న నేపథ్యంలో ప్రపంచ ఆరోగ్య సంస్థ కూడా ఇటీవలే హెల్త్ ఎమర్జెన్సీ అలర్ట్ ప్రకటించిన సంగతి తెలిసిందే.
I remain committed to our monkeypox response: ramping-up vaccine distribution, expanding testing, and educating at-risk communities.
That’s why today’s public health emergency declaration on the virus is critical to confronting this outbreak with the urgency it warrants.
— President Biden (@POTUS) August 4, 2022
ఇక మంకీపాక్స్ నియంత్రణకు కట్టుబడి ఉన్నట్లు స్పష్టం చేసిన అధ్యక్షుడు జో బైడెన్, దేశంలో పరీక్షల సంఖ్య పెంచడంతో పాటు టీకా పంపిణీని వేగవంతం చేయనున్నట్లు తెలిపారు. అలాగే ఈ వైరస్ వల్ల ఎదురయ్యే ముప్పును ప్రజలకు తెలియజేస్తామని, అందుకే మంకీపాక్స్ను హెల్త్ ఎమర్జెన్సీగా ప్రకటించామని ఈ మేరకు ఆయన తన ట్విట్టర్లో పేర్కొన్నారు. తెలిపారు. ఇల్లినాయిస్ మరియు న్యూ యార్క్ రాష్ట్రాలు స్వీయ అత్యవసర పరిస్థితులను ప్రకటించుకున్న తరువాత, అప్రమత్తమైన బైడెన్ మంకీపాక్స్పై దేశవ్యాప్తంగా నిర్ణయం తీసుకోవడానికి ఆగస్టు 2న ఇద్దరు అగ్ర సమాఖ్య అధికారులను నియమించారు. వీరు ఇచ్చిన నివేదికల ఆధారంగా తుది నిర్ణయం తీసుకున్నారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY