దేశంలో ఉత్తమ పోలీస్ స్టేషన్ల జాబితాను కేంద్ర హోమ్ శాఖ ప్రకటించింది. దేశవ్యాప్తంగా టాప్ 75 ఉత్తమ పోలీస్ స్టేషన్ల జాబితాలో రాచకొండ కమిషనరేట్ పరిధిలోని ఆలేరు పోలీస్ స్టేషన్ 5వ ఉత్తమ పోలీస్ స్టేషన్గా నిలిచింది. డేటా విశ్లేషణ, ప్రత్యక్ష పరిశీలన మరియు ప్రజల అభిప్రాయాల ప్రాతిపదికన ప్రతి రాష్ట్రంలో ఉత్తమంగా పనిచేసే పోలీసు స్టేషన్లను ఎంపిక చేస్తున్నారు. పోలీస్ స్టేషన్ల యొక్క సమర్థవంతమైన పనితీరును ప్రోత్సహించడానికి మరియు వాటిలో ఆరోగ్యకరమైన పోటీని పెంచడానికి కేంద్ర ప్రభుత్వం ప్రతి సంవత్సరం దేశవ్యాప్తంగా ఉత్తమంగా పనిచేసే పోలీసు స్టేషన్లను ఎంపిక చేస్తుంది.
దేశంలోనే టాప్ 75 పోలీస్ స్టేషన్లలో ఆలేరు పోలీస్ స్టేషన్ 5వ స్థానం దక్కించుకోవడం పట్ల తెలంగాణ డీజీపీ మహేందర్ రెడ్డి హర్షం వ్యక్తం చేశారు. ఆలేరు స్టేషన్ అధికారులు మరియు సిబ్బంది అందరికీ డీజీపీ అభినందనలు తెలిపారు. మరోవైపు ఆలేరు పోలీసు స్టేషన్ 5వ ర్యాంకు దక్కించుకోవడం పట్ల రాచకొండ పోలీసు కమిషనర్ ఎం.మహేశ్ భగవత్ హర్షం వ్యక్తం చేశారు. శుక్రవారం నాడు కమిషనరేట్ లో అభినందన కార్యక్రమం ఏర్పాటు చేసి, ఆలేరు స్టేషన్ సిబ్బందికి శాలువా కప్పి, జ్ఞాపిక అందజేసి సత్కరించారు. అలాగే కేంద్ర హోమ్ శాఖ ఇచ్చిన ఎక్సలెన్స్ సర్టిఫికెట్ను సీపీ మహేశ్ భగవత్ ఆలేరు ఎస్ఐ ఇద్రీస్ అలీకి అందజేశారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ