తెలంగాణ రాష్ట్రంలో బతుకమ్మ పండుగ సందడి మొదలైంది. బతుకమ్మ పండుగను తెలంగాణ ప్రభుత్వం రాష్ట్ర పండుగగా నిర్వహిస్తున్న సంగతి తెలిసిందే. అక్టోబర్ 6, బుధవారం నుండి తొమ్మిది రోజుల పాటుగా ఈ సంవత్సరపు బతుకమ్మ ఉత్సవాలను ప్రజలు జరుపుకోనున్నారు. రాష్ట్రవ్యాప్తంగా నేడు బతుకమ్మ పండుగ ప్రారంభమవుతున్న నేపథ్యంలో ప్రముఖ అగ్రనటుడు, మెగాస్టార్ చిరంజీవి తెలంగాణ ఆడపడుచులకు బతుకమ్మ శుభాకాంక్షలు తెలియజేశారు. ఈ మేరకు చిరంజీవి ట్వీట్ చేశారు.
“ఆశ్వయుజ మాసంలో 9 రోజుల బొద్దెమ్మ తర్వాత వచ్చే తెలంగాణ ఆడపడుచు ‘బతుకమ్మ’ కు స్వాగతం. 9 రోజుల పాటు సాయంత్రం కాగానే వివిధ పుష్పాలతో తీరుగా తీర్చిదిద్దే బతుకమ్మను కీర్తిస్తూ ఆడపడుచులు చప్పట్లు, కోలాటాలతో పాటలు పాడే దృశ్యం ఓ అద్భుతం. ఆడపడుచులు అందరికీ బతుకమ్మ పండుగ శుభాకాంక్షలు” అని మెగాస్టార్ చిరంజీవి పేర్కొన్నారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ