ఎన్టీఆర్ జయంతి: నివాళులు అర్పించిన మెగాస్టార్ చిరంజీవి, జనసేన అధినేత పవన్ కళ్యాణ్

May 29, 2022

తెలుగుదేశం పార్టీ వ్యవస్థాపకుడు, విశ్వ విఖ్యాత నటసార్వభౌమ నందమూరి తారక రామారావు జయంతి సందర్భంగా మెగాస్టార్ చిరంజీవి, పవన్ స్టార్, జనసేన అధినేత పవన్ కళ్యాణ్, మెగా పవర్ స్టార్ రామ్ చరణ్ తో పాటుగా పలువురు సినీ ప్రముఖులు ఆయనను స్మరించుకుంటూ నివాళులర్పించారు. “తెలుగు వారి హృదయాలలో అచిరకాలం కొలువయ్యే యుగ పురుషుడు, నవరస నటనా సార్వభౌముడు, తెలుగు వారి ఆత్మ గౌరవం, తెలుగు జాతి కీర్తి కిరీటం, శ్రీ నందమూరి తారక రామారావు గారు. ఆ మహానుభావుడి శత జయంతి సందర్భంగా ఇదే నా ఘన నివాళి!” అని మెగాస్టార్ చిరంజీవి ట్వీట్ చేశారు.

జనసేన అధినేత పవన్ కళ్యాణ్ ఒక ప్రకటన విడుదల చేస్తూ, తెలుగు గడ్డపై జన్మించిన విశిష్ట వ్యక్తులలో ఎన్.టి.రామారావు గారు కూడా ఒకరని పేర్కొన్నారు. “సంప్రదాయ రాజకీయాలే ఆలంబనగా నడుస్తున్న రోజులలో ఒక రాజకీయ పార్టీని స్థాపించి బడుగు బలహీన వర్గాలకు భాగస్వామ్యం కల్పించి అభ్యుదయవాదిగా ఎన్.టి.ఆర్. నిలిచారు. అటువంటి గొప్ప వ్యక్తి జయంతి సందర్భంగా ఆయనకు నమస్కరిస్తున్నాను. తెలుగు భాషపై ఆయనకు ఉన్న మక్కువ, పట్టు నన్నెంతగానో ఆకట్టుకునేది. తెలుగు భాష కీర్తి ప్రతిష్టలను ఆయన దేశం నలుదిశలా వ్యాపింపచేసిన తీరు అమోఘం. ఉమ్మడి ఆంధ్రప్రదేశ్ లోనే కాకుండా భారతదేశ రాజకీయాలపై తనదైన ముద్ర వేసిన ఎన్.టి.రామారావు గారి జయంతి సందర్భంగా నా పక్షాన, జనసేన శ్రేణుల పూన అంజలి ఘటిస్తున్నాను” అని పవన్ కళ్యాణ్ పేర్కొన్నారు.

మెగా పవర్ స్టార్ రామ్ చరణ్ ట్వీట్ చేస్తూ “భారతీయ సినిమా గర్వించదగ్గ మన నందమూరి తారక రామారావు గారి జయంతి నేడు. సినిమా చూడటమే కాకుండా అందులో భాగమవ్వాలని లక్షలాది మందిని ప్రేరేపించిన లెజెండ్‌ని స్మరించుకుంటున్నాను” అని పేర్కొన్నారు.

తెలుగు వారి హృదయాలలో అచిరకాలం కొలువయ్యే యుగ పురుషుడు,నవరస నటనా సార్వభౌముడు , తెలుగు వారి ఆత్మ గౌరవం, తెలుగు జాతి కీర్తి కిరీటం, శ్రీ నందమూరి తారక రామారావు గారు.ఆ మహానుభావుడి శత జయంతి సందర్భంగా ఇదే నా ఘన నివాళి! #100YearsOfNTR

— Chiranjeevi Konidela (@KChiruTweets) May 28, 2022

Today marks the birth centenary of Indian cinema’s pride, our Nandamuri Taraka Rama Rao garu. 🙏

Remembering the legend who inspired millions to not only watch cinema but also be a part of it 🙏 pic.twitter.com/ayb4AbGvOM

— Ram Charan (@AlwaysRamCharan) May 28, 2022