హైద‌రాబాద్‌లో అడ్వాన్స్ ఆటో పార్ట్స్ సంస్థ‌ను ప్రారంభించిన మంత్రి కేటీఆర్

June 13, 2022

హైద‌రాబాద్‌లో అన్ని రకాల వ్యాపారాల‌కు అద్భుత అవ‌కాశాలు ఉన్నాయ‌ని, అలాగే ఆటోమొబైల్ రంగం అభివృద్ధికి కూడా అవ‌కాశాలు పుష్కలంగా ఉన్నాయ‌ని రాష్ట్ర ఐటీ, ప‌రిశ్ర‌మ‌ల శాఖ మంత్రి కేటీఆర్ పేర్కొన్నారు. హైద‌రాబాద్‌ నగర శివారు కోకాపేట్‌లో సోమ‌వారం అడ్వాన్స్ ఆటో పార్ట్స్ సంస్థ‌ను మంత్రి కేటీఆర్ ప్రారంభించారు. ఈ కార్యక్రమానికి కంపెనీ సీఈఓ మరియు ప్రెసిడెంట్ టామ్ గ్రీకో హాజరయ్యారు. ఈ విషయాన్ని మంత్రి కేటీఆర్ తన ట్విట్టర్ ద్వారా ప్రకటించారు.

IT & Industries Minister @KTRTRS formally inaugurated the @AdvanceAuto Parts Global Capability Center in Hyderabad today.

Tom Greco – President & CEO @AdvanceAuto Parts, @jayesh_ranjan Principal Secretary, IT Dept. were amongst the other dignitaries who graced the occasion. pic.twitter.com/TlVDcnKl4x

— Minister for IT, Industries, MA & UD, Telangana (@MinisterKTR) June 13, 2022

ఈ సందర్భంగా ఆయన మాట్లాడుతూ.. అమెరికాకు చెందిన ప్రముఖ ఆటో మొబైల్ సంస్థ తన రెండో అతి పెద్ద కేంద్రాన్ని హైద‌రాబాద్‌లో ఏర్పాటు చేయ‌డం సంతోషాన్నిస్తోందని కేటీఆర్ వెల్లడించారు. అడ్వాన్స్ ఆటో పార్ట్స్ సంస్థ‌ 65 వేల చ‌ద‌ర‌పు అడుగుల విస్తీర్ణంలో ఏర్పాటు చేశారని, దీని ద్వారా సుమారు 450 మందికి ఉపాధి అవ‌కాశాలు కలుగనున్నాయని ప్రకటించారు. అలాగే వ‌చ్చే యేడాది ఫిబ్ర‌వ‌రి నెలలో ఫార్ములా-ఈ ని ప్రారంభించ‌నున్నామని తెలిపారు. ఈ కార్యక్రమంలో ఐటీ శాఖ ప్రిన్సిపల్ సెక్రటరీ, ఇతర ప్రముఖులు పాల్గొన్నారు.