తెలంగాణ రాష్ట్ర ఎన్నికల ప్రధాన అధికారిగా (చీఫ్ ఎలెక్టోరల్ ఆఫీసర్) సీనియర్ ఐఏఎస్ వికాస్‌రాజ్‌ ను కేంద్ర ఎన్నికల సంఘం ఇటీవలే నియమించిన సంగతి తెలిసిందే. ఈ నేపథ్యంలో మార్చి 21, సోమవారం నాడు హైదరాబాద్ లోని బుద్ధ భ‌వ‌న్‌లో తెలంగాణ సీఈవోగా వికాస్ రాజ్ బాధ్యతలు స్వీక‌రించారు. ఈ కార్య‌క్ర‌మానికి ప‌లువురు అధికారులు హాజ‌రై వికాస్ రాజ్‌కు శుభాకాంక్ష‌లు తెలియజేశారు.
1992 బ్యాచ్‌ ఐఏఎస్ అధికారి అయిన వికాస్‌రాజ్‌ ఇప్పటివరకు రాష్ట్ర సాధారణ పరిపాలన శాఖలో (జీఏడీ) రాజకీయ వ్యవహారాల ముఖ్యకార్యదర్శిగా పనిచేశారు. ముందుగా తెలంగాణ సీఈవోగా ఉన్న శశాంక్‌ గోయల్‌ కేంద్ర సర్వీసుల్లోకి డిప్యుటేషన్‌పై వెళ్లడంతో, కొన్ని రోజులుగా ఐఏఎస్ అధికారి బుద్ధప్రకాశ్‌ ఇంచార్జ్ సీఈవోగా విధులు నిర్వర్తిస్తున్నారు. ఈ నేపథ్యంలో తెలంగాణ ప్రభుత్వంతో సంప్రదింపుల అనంతరం పూర్తిస్థాయి చీఫ్ ఎలెక్టోరల్ ఆఫీసర్ గా వికాస్‌రాజ్‌ ను నియమిస్తూ కేంద్ర ఎన్నికల సంఘం నిర్ణయం తీసుకుంది.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ
 సీనియర్ ఐఏఎస్ వికాస్‌రాజ్‌ ను కేంద్ర ఎన్నికల సంఘం ఇటీవలే నియమించిన సంగతి తెలిసిందే.){kind=link}