తెలంగాణ ప్రభుత్వం కొత్త సంవత్సరంలో ఆశా వర్కర్లకు శుభవార్త వినిపించింది. నెలవారీ ఇన్సెంటివ్స్ పెంచుతూ నిర్ణయం తీసుకుంది. ఇన్సెంటివ్స్ 30% మేర పెంచుతూ జీవో చేసింది. కమీషనర్ అఫ్ హెల్త్ అండ్ ఫామిలీ వెల్ఫేర్ కిందకు వచ్చే ఆశా కార్యకర్తలకు ఇది వర్తిస్తుంది. ప్రభుత్వం తీసుకున్న ఈ నిర్ణయంతో నెలవారీ ప్రోత్సాహకాలు రూ. 7,500 నుంచి రూ. 9,750 కి పెరగనున్నాయి. ఈ సంవత్సరం జూన్ నెల నుంచి పెంచిన ఇన్సెంటివ్స్ వర్తిస్తాయని ప్రభుత్వం తెలిపింది. తెలంగాణ ప్రభుత్వం తీసుకున్న ఈ నిర్ణయం ఆశా వర్కర్లలో ఉత్సాహం నింపింది. ముఖ్యమంత్రి తీసుకున్న ఈ నిర్ణయం వలన తమకు మేలు జరిగినట్లు వారు సంతోషం వ్యక్తం చేస్తున్నారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEYFJ