తెలంగాణలో అన్ని విద్యా సంస్థలకు మరో 3 రోజులు సెలవులు, సోమ‌వారం పునఃప్రారంభం

July 13, 2022

తెలంగాణ రాష్ట్రంలో భారీ వర్షాల నేపథ్యంలో జూలై 11, 12, 13 (సోమ, మంగళ, బుధ వారాలు) తేదీల్లో మూడు రోజులపాటు అన్ని విద్యా సంస్థలకు ముఖ్యమంత్రి కె.చంద్రశేఖర్ రావు సెలవులు ప్రకటించిన విషయం తెలిసిందే. కాగా కొనసాగుతున్న భారీ వర్షాలు మరియు ప్రతికూల వాతావరణ పరిస్థితుల దృష్ట్యా తెలంగాణ‌ రాష్ట్రంలోని అన్ని విద్యాసంస్థ‌ల‌కు (ప్రభుత్వ, ఎయిడెడ్ అండ్ ప్రైవేట్) మ‌రో మూడు రోజుల పాటు సెలవులు పొడిగిస్తూ రాష్ట్ర ప్రభుత్వం నిర్ణయం తీసుకుంది. దీంతో జూలై 14, 15, 16 తేదీల్లో (గురు, శుక్ర, శని వారాలు) కూడా విద్యాసంస్థ‌ల‌కు సెలవులు ఉండనున్నాయి. ఇక జూలై 18, సోమ‌వారం నుంచి విద్యాసంస్థ‌లు పునఃప్రారంభం కానున్నాయని పేర్కొన్నారు. ఈ మేరకు విద్యాశాఖ కార్యదర్శి వాకాటి కరుణ బుధవారం నాడు ఉత్తర్వులు జారీ చేశారు.