తెలంగాణ రాష్ట్రంలో మరో 152 మందికి కరోనా పాజిటివ్, కేసులు ఏ జిల్లాల్లో ఎక్కువంటే?

September 8, 2022

తెలంగాణలో కరోనా మహమ్మారి వ్యాప్తి అదుపులోనే ఉంది. కొత్తగా 152 పాజిటివ్ కేసులు నమోదవడంతో సెప్టెంబర్ 7, బుధవారం సాయంత్రం 5:30 గంటల నాటికీ మొత్తం కేసుల సంఖ్య 8,35,489 కి పెరిగింది. అత్యధికంగా హైదరాబాద్ లోనే 60 పాజిటివ్ కేసులు నమోదయ్యాయి. 5 జిల్లాల్లో ఎలాంటి కరోనా కేసులు నమోదు కాలేదు. రాష్ట్రంలో ప్రస్తుతం 1,011 యాక్టీవ్ కేసులు ఉన్నాయి.

కరోనా నుంచి మరో 145 మంది కోలుకోవడంతో డిశ్చార్జ్ అయినవారి మొత్తం సంఖ్య 8,30,367 కి చేరింది. అలాగే కరోనా వలన కొత్తగా ఎలాంటి మరణాలు నమోదు కాలేదు, దీంతో మొత్తం కరోనా మరణాల సంఖ్య 4,111 గా ఉన్నట్టు రాష్ట్ర వైద్య ఆరోగ్యశాఖ రోజువారీ బులెటిన్ లో వెల్లడించింది. ఇక బుధవారం నాడు 12,820 శాంపిల్స్ పరీక్షించినట్టు తెలిపారు.