తెలంగాణ రాష్ట్ర దక్షిణ విద్యుత్ పంపిణీ సంస్థ (టీఎస్‌పీడీసీఎల్‌) వినియోగదారులకు కీలక అప్‌డేట్ ఇచ్చింది. రాష్ట్రంలో విద్యుత్ సర్వీస్‌ కనెక్షన్ల యాజమాన్య హక్కుల బదలాయింపు (టైటిల్‌ ట్రాన్స్‌ఫర్‌) ప్రక్రియను సులభతరం చేసినట్లు తెలిపింది. ఈ మేరకు టీఎస్‌పీడీసీఎల్‌ సీఎండీ రఘుమారెడ్డి ఒక ప్రకటనలో పేర్కొన్నారు. దీనికోసం వినియోగదారులు ఇకపై విద్యుత్ ఆఫీసుల చుట్టూ తిరగనక్కరలేదని, ఇంట్లో కూర్చునే ఆన్‌లైన్‌లో ఈ మొత్తం ప్రక్రియను పూర్తి చేయొచ్చని ఆయన తెలిపారు. అలాగే దీనికి కేవలం వారం రోజుల సమయం మాత్రమే పడుతుందని ఆయన వెల్లడించారు. ఇక ఆన్‌లైన్‌లో దరఖాస్తు కోసం www.tssouthernpower.comలో కానీ, లేదా ఇంటిగ్రేటెడ్‌ కస్టమర్‌ సర్వీస్‌ సెంటర్‌/కస్టమర్‌ సర్వీస్‌ సెంటర్‌లో కానీ సంప్రదించాలని రఘుమారెడ్డి దరఖాస్తుదారులకు సూచించారు.
గృహ కనెక్షన్‌ (కేటగిరీ -1)కు సంబంధించిన టైటిల్‌ ట్రాన్స్‌ఫర్‌ చేయాలనుకునేవారు అందించాల్సిన పత్రాలు-
- దరఖాస్తుదారుని ఏదేని గుర్తింపు కార్డు,
- రూ.100 నాన్‌ జుడీషియల్‌ స్టాంప్‌ పేపర్‌పై ధ్రువీకరణ,
- ప్రస్తుత దరఖాస్తుదారుని పేరు మీద స్వీయ ధ్రువీకరణ (లేదా),
- రిజిస్టర్డ్‌ డీడ్‌, విల్‌ డీడ్‌ వంటి ఏదైనా యాజమాన్య హక్కు ధ్రువీకరణ పత్రం సమర్పించాలి.
గృహేతర కనెక్షన్‌ (కేటగిరీ-2)కు సంబంధించిన టైటిల్‌ ట్రాన్స్‌ఫర్‌ చేయాలనుకునేవారు అందించాల్సిన పత్రాలు-
- కంపెనీ అధికార పత్రం,
- ఉమ్మడి యాజమాన్యం ఉంటే రూ.10 నాన్‌ జుడీషియల్‌ స్టాంప్‌ పేపర్‌పై ఒప్పందం,
- పాత యజమాని చనిపోతే లీగల్‌ హెయిర్‌ సర్టిఫికేట్‌ సమర్పించాలి.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xEY
