చిన్నప్పటి నుంచి చూస్తున్నా సరే ఈ జనరేషన్ లో చాలామంది గడ్డి గులాబీ అంటే తెలియదు. కానీ టేబుల్ రోజ్ అంటే మాత్రం కొంతమందికి తెలుసు. పార్కుల్లో, రోడ్డు పక్కనా కనిపిస్తూ సంథింగ్ స్పెషల్ గా కనిపిస్తున్నా.. బాగుంటాయి ఈ పువ్వులు అనుకోవడమే తప్ప.. దాని ఆరోగ్య ప్రయోజనాలు చాలామందికి తెలియవు. ఈ మొక్క ఎటువంటి ప్రదేశంలో నైనా బ్రతకగలదు. అంతే కాకుండా దీని పూలు ఎంతో అందంగా కనిపిస్తాయి. ఒకసారి ఈ మొక్క ఉపయోగాలు ఏంటో ఇప్పుడు తెలుసుకుందాం..
టేబుల్ రోజ్‌లో ఉన్న ఔషధ గుణాలు తెలిస్తే , ఈ మొక్కను ఎవరు కూడా వదిలిపెట్టరు. ఈ మొక్క చర్మం మీద ఉండే నల్లటి మచ్చలను, మొటిమలను తగ్గించడంలో ఎంతగానో సహాయపడుతుంది.
ఈ మొక్కలో వున్న పువ్వును కోసుకొని, ఒక మెత్తని పేస్టులాగా చేసుకోవాలి. తర్వాత అందులోకి కొంచెం తేనెను కలిపి ముఖానికి పూయాలి. తర్వాత చల్లని నీటితో ముఖం కడుక్కోవడం వల్ల, ముఖం అందంగా మెరుస్తుంది. ఇలా వారానికి 2-3 సార్లు చేయడం వల్ల తప్పకుండా ఫలితం లభిస్తుంది.
ఇక జుట్టు రాలే సమస్య ఎక్కువగా ఉండేవారికి ఈ మొక్క బాగా ఉపయోగపడుతుంది. ఈ మొక్కల కాండం, ఆకులను బాగా ముద్దగా నూరి, అందులోకి కొంచెం స్వచ్ఛమైన కొబ్బరి నూనె వేసి బాగా మిక్స్ చేసి జుట్టుకు పట్టించుకోవడం వల్ల జుట్టు బాగా ఒత్తుగా పెరుగుతుంది.
ఈ మొక్క యొక్క రసాన్ని ఏదైనా గాయాలు అయినప్పుడు పట్టించడం వల్ల, ఆ గాయం నుంచి రక్త కారే సమస్య తగ్గుతుంది. .
ఇక అంతే కాకుండా చర్మంపై వచ్చిన పొక్కులతో పాటు..క్షయ వ్యాధి పొక్కులను పోగొట్టుకోవడానికి కూడా గడ్డి గులాబీ ఉపయోగపడుతుంది. ఈ పూలను బాగా నూరి చర్మంమీద పట్టించడం వల్ల పొక్కులు తగ్గిపోతాయి.
ఈ మొక్కల వేరుతో కషాయం చేసుకుని తాగడం వలన దగ్గు నుంచి విముక్తి పొందవచ్చు. ఇన్ని ప్రయోజనాలున్న గడ్డి గులాబీ ఎక్కడ కనిపించినా ఇంట్లోకి తీసుకువచ్చి పెంచుకోవడానికి రెడీ అయిపోవాలని ఆయుర్వేద నిపుణులు చెబుతున్నారు.
