SBI హోమ్ లోన్ వడ్డీ తగ్గింపు.. మీ EMI భారం ఎంత తగ్గుతుందో తెలుసా?”

దేశంలోని అతిపెద్ద ప్రభుత్వ రంగ బ్యాంక్ స్టేట్ బ్యాంక్ ఆఫ్ ఇండియా (SBI) తన హోమ్ లోన్ వడ్డీ రేట్లను తగ్గిస్తూ కీలక నిర్ణయం తీసుకుంది. రిజర్వ్ బ్యాంక్ ఆఫ్ ఇండియా (RBI) తాజాగా రెపో రేటును 25 బేసిస్ పాయింట్లు తగ్గించిన నేపథ్యంలో, SBI కూడా తన EBLR (External Benchmark-Based Lending Rate), RLLR (Repo Linked Lending Rate)లను 25 బేసిస్ పాయింట్లు తగ్గిస్తున్నట్లు ప్రకటించింది. ఈ కొత్త రేట్లు ఫిబ్రవరి 15, 2025 నుంచి అమలులోకి రానున్నాయి.

కొత్త వడ్డీ రేట్లు
EBLR: 9.15% → 8.90%
RLLR: 8.75% → 8.50%
ఈ తగ్గింపుతో హోమ్ లోన్, వాహన రుణాలు, పర్సనల్ లోన్స్ వడ్డీ రేట్లు తగ్గనున్నాయి. ఫలితంగా, ఇప్పటికే ఫ్లోటింగ్ రేట్ లోన్ తీసుకున్న రుణదారులకు నెలవారీ EMI భారం తగ్గనుంది.

రూ. 20 లక్షల హోమ్ లోన్‌కి కొత్త EMI ఎంత?
ఉదాహరణకు: 10 సంవత్సరాల టెన్యూర్:

9% వడ్డీ రేటు EMI = ₹25,335
9.20% వడ్డీ రేటుEMI = ₹25,444
15 సంవత్సరాల టెన్యూర్:

9.10% వడ్డీ రేటు EMI = ₹20,404

హోమ్ లోన్ రేటు ఎలా నిర్ణయిస్తారు?
SBI హోమ్ లోన్ వడ్డీ రేటును క్రెడిట్ స్కోర్, లోన్ అమౌంట్, టెన్యూర్ ఆధారంగా నిర్ణయిస్తుంది. మంచి క్రెడిట్ స్కోర్ ఉన్న రుణదారులకు తక్కువ వడ్డీ రేటు వర్తిస్తుంది. మీ హోమ్ లోన్ EMI తెలుసుకోవాలనుకుంటే, SBI అధికారిక వెబ్‌సైట్‌లోని EMI కాలిక్యులేటర్ ద్వారా లెక్కించుకోవచ్చు. టెన్యూర్ ఎక్కువైతే EMI తక్కువగా ఉంటుంది కానీ మొత్తం వడ్డీ భారం పెరుగుతుంది. కాబట్టి, హోమ్ లోన్ తీసుకునే ముందు పూర్తి వివరాలు తెలుసుకుని, సరిగ్గా ప్లాన్ చేసుకోవడం మంచిది.