ఆంధ్రప్రదేశ్ విద్య, ఐటీ శాఖల మంత్రి నారా లోకేష్ ఢిల్లీ పర్యటనలో బిజీబిజీగా గడుపుతున్నారు. రాష్ట్రానికి కేంద్రం సహకారం కోరుతూ పలువురు కేంద్ర మంత్రులతో కీలక భేటీలు జరుపుతున్నారు. దీనిలో భాగంగా కేంద్ర రైల్వే, సమాచార ప్రసార, ఎలక్ట్రానిక్స్, ఐటీ శాఖల మంత్రి అశ్వినీ వైష్ణవ్తో భేటీ అయ్యారు. ఈ సమావేశంలో ఏపీలో టెక్నాలజీ, నైపుణ్యాభివృద్ధికి సంబంధించిన పలు కీలక ప్రాజెక్టులపై చర్చ జరిగింది.
It was a privilege to meet Union Minister Shri @AshwiniVaishnaw ji in New Delhi. During our interaction, we discussed several important initiatives, and I had the opportunity to share details of Andhra Pradesh’s AI-enabled Skill Portal being developed for comprehensive skill… pic.twitter.com/Me4s0I4cJk
— Lokesh Nara (@naralokesh) December 15, 2025
ఏఐ ఆధారిత స్కిల్ పోర్టల్ వివరణ
-
నైపుణ్య గణన పోర్టల్: రాష్ట్రంలో సమగ్రమైన నైపుణ్య గణన (స్కిల్ సెన్సస్) చేపట్టాలనే లక్ష్యంతో రూపొందించిన అత్యాధునిక ఏఐ (ఆర్టిఫిషియల్ ఇంటెలిజెన్స్) టెక్నాలజీతో కూడిన నైపుణ్యం పోర్టల్ గురించి లోకేష్ కేంద్రమంత్రికి వివరించారు.
-
విజయవంతమైన పైలట్: ఈ పోర్టల్ పైలట్ ప్రాజెక్ట్ మంగళగిరి నియోజకవర్గంలో విజయవంతమైందని, ఏఐ ఆధారిత ఇంటర్వ్యూ విధానంతో ఎదురైన సమస్యలను సమర్థవంతంగా అధిగమించామని తెలిపారు.
-
కేంద్ర సహాయం కోసం విజ్ఞప్తి: త్వరలో రాష్ట్రవ్యాప్తంగా నైపుణ్య గణన చేపట్టనున్నందున, ఈ కీలక ప్రాజెక్టుకు కేంద్ర ప్రభుత్వం నుంచి పూర్తి సహాయ సహకారాలు అందించాలని లోకేష్ కేంద్రమంత్రి అశ్వినీ వైష్ణవ్ను కోరారు. ఈ పోర్టల్ సాయంతో దేశంలోనే తొలిసారిగా సమగ్ర స్కిల్ సెన్సస్ను నిర్వహించాలని ఏపీ కృషి చేస్తోంది.
ఐటీ, ఏఐ విస్తరణకు ప్రతిపాదనలు
-
ఇన్నోవేషన్ హబ్లు: రతన్ టాటా ఇన్నోవేషన్ హబ్కు MeitY (ఎలక్ట్రానిక్స్ మరియు ఇన్ఫర్మేషన్ టెక్నాలజీ మంత్రిత్వ శాఖ) స్టార్టప్ హబ్ మద్దతుతో పాటు, AVGC-XR, AR/VR వంటి ఇమ్మర్సివ్ టెక్నాలజీల కోసం InnoXR సెంటర్ ఆఫ్ ఎక్సలెన్స్ ఏర్పాటు చేయాలనే ప్రతిపాదనలను కూడా ఈ సందర్భంగా చర్చించారు.
-
ఏఐ రోడ్మ్యాప్: ఇండియాఏఐ మిషన్ కింద రాష్ట్రంలో ఆర్టిఫిషియల్ ఇంటెలిజెన్స్ (ఏఐ) విస్తరణ కోసం ఏపీ ప్రభుత్వం రూపొందించిన రోడ్మ్యాప్ను కూడా లోకేష్ కేంద్రమంత్రి దృష్టికి తీసుకువచ్చారు.
-
సానుకూల స్పందన: యువత నైపుణ్యాలను గుర్తించి, వారికి తగిన ఉద్యోగావకాశాలు కల్పించాలనే లక్ష్యంతో ఏపీ ప్రభుత్వం చేపట్టిన ఈ ప్రతిపాదనలపై కేంద్రమంత్రి అశ్వినీ వైష్ణవ్ నుంచి సానుకూల స్పందన లభించింది.
విశాఖలో నైపుణ్య శిక్షణ సంస్థ డిమాండ్
దిల్లీ పర్యటనలో భాగంగా నారా లోకేష్ కేంద్రమంత్రి జయంత్ చౌదరితో సమావేశమై, విశాఖపట్నంలో జాతీయ నైపుణ్య శిక్షణ సంస్థ (National Skill Training Institute – NSTI) ఏర్పాటు చేయాలని విజ్ఞప్తి చేశారు. అలాగే, త్వరలో కేంద్రమంత్రి ధర్మేంద్ర ప్రధాన్తో కూడా సమావేశమై రాష్ట్ర విద్య, ఐటీ శాఖలకు సంబంధించిన అనేక అంశాలపై చర్చించనున్నారు. అంతకుముందు, లోకేష్ టీడీపీ పార్లమెంటరీ పార్టీ కార్యాలయంలో ఎంపీలతో సమావేశమై రాష్ట్ర అంశాలపై చర్చించారు.
It was a privilege to meet Union Education Minister Shri @dpradhanbjp ji in New Delhi. I briefed him on the education reforms being undertaken by the Andhra Pradesh government to raise learning standards in Andhra Pradesh. We made demos of our guaranteed FLN program, clicker… pic.twitter.com/PQR042rvkH
— Lokesh Nara (@naralokesh) December 15, 2025
