టీడీపీ అధినేత చంద్రబాబు నాయుడు జన్మదినం సందర్భంగా పలువురు ప్రముఖులు ఆయనకు శుభాకాంక్షలు తెలియజేస్తున్నారు. రాష్ట్రవ్యాప్తంగా టీడీపీ నాయకులు, కార్యకర్తలు వేడుకలు నిర్వహిస్తున్నారు. ఈ క్రమంలో సొంతపార్టీ నేతలే కాకుండా పలువురు సినీ, రాజకీయ ప్రముఖులు చంద్రబాబుకు జన్మదిన శుభాకాంక్షలు తెలుపుతున్నారు. ఏపీలోని అధికార వైఎస్సార్సీపీకి చెందిన రాజ్యసభ ఎంపీ విజయసాయి రెడ్డి ట్విట్టర్ ద్వారా ఆయనకు పుట్టినరోజు శుభాకాంక్షలు చెప్పారు. చంద్రబాబు నాయుడు సంపూర్ణ ఆరోగ్యం, దీర్ఘాయుష్షుతో మరెన్నో ఆనందకరమైన పుట్టినరోజులు జరుపుకోవాలని ఆయన ఆకాంక్షించారు.
టీడీపీ అధ్యక్షులు, ప్రతిపక్ష నాయకులు శ్రీ నారా చంద్రబాబు నాయుడు గారికి హృదయపూర్వక జన్మదిన శుభాకాంక్షలు. సంపూర్ణ ఆరోగ్యం, దీర్ఘాయుష్షుతో మరెన్నో ఆనందకరమైన పుట్టినరోజులు జరుపుకోవాలని ఆకాంక్షిస్తున్నా.
— Vijayasai Reddy V (@VSReddy_MP) April 20, 2023
అలాగే ఎంపీ రఘురామ కృష్ణంరాజు సైతం చంద్రబాబుకు జన్మదిన శుభాకాంక్షలు తెలిపారు. ఈ సందర్భంగా ఆయన.. ’14 ఏళ్లు ముఖ్యమంత్రిగా చేసి, ఎన్నో సంస్కరణలకు మార్గదర్శి అయిన చంద్రబాబు నాయుడు ప్రజలు సంతోషంగా ఉండాలనే ఆకాంక్షతో ఇప్పటికీ కృషి చేస్తున్నారు. అలాంటి నేతకు జన్మదిన శుభాకాంక్షలు’ అని చెప్పారు. మరోవైపు మెగాస్టార్ చిరంజీవి కూడా ట్విట్టర్ ద్వారా చంద్రబాబుకు జన్మదిన శుభాకాంక్షలు తెలియజేశారు. భగవంతుడు ఆయనకు ఆశీస్సులు అందించాలని, సంపూర్ణ ఆయురారోగ్యాలు ప్రసాదించాలని కోరుకుంటున్నాను’ అని పేర్కొన్నారు.
శ్రీ నారా చంద్రబాబునాయుడు @ncbn గారికి జన్మదిన శుభాకాంక్షలు. 💐 భగవంతుడు వారికి సంపూర్ణ ఆయురారోగ్యాలు ప్రసాదించాలని కోరుకుంటున్నాను 🙏🏻
— Chiranjeevi Konidela (@KChiruTweets) April 20, 2023
ఇక చంద్రబాబు తనయుడు, టీడీపీ యువనేత, ఆ పార్టీ జాతీయ అధ్యక్షుడు నారా లోకేష్ కూడా తండ్రికి జన్మదిన శుభాకాంక్షలు తెలిపారు. ట్విట్టర్ లో ఆయన.. ‘తెలుగు ప్రజల జీవితాలను మార్చడానికి మరియు శాశ్వతమైన వారసత్వాన్ని వదిలివేయడానికి మీరు ఎంత మక్కువ చూపుతున్నారో నాకు తెలుసు. నీ కోరికలన్నీ తీరాలి నాన్నా! పుట్టినరోజు శుభాకాంక్షలు!’ అని పేర్కొన్నారు.
I know how passionate you are to transform the lives of Telugu people and leave an everlasting legacy. May all your wishes come true Nana! Happy Birthday!#HBDTeluguPrideBabu pic.twitter.com/3fWPFWFTsy
— Lokesh Nara (@naralokesh) April 20, 2023
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE