బిగ్ బాస్ తెలుగు 8 సీజన్‌ హౌస్ లో గేమ్ మరింత రసవత్తరంగా మారుతోంది. తాజాగా బిగ్ బాస్ హౌజ్‌మేట్స్‌కు పెద్ద ట్విస్ట్ ఇచ్చాడు. దీనికి సంబంధించిన బిగ్ బాస్ తెలుగు 8 అక్టోబర్ 8వ తేది ఎపిసోడ్‌ రెండో ప్రోమోను రిలీజ్ చేశారు. నేటి ఎపిసోడ్‌ ప్రోమోలోకి వెళితే.. మామ లడ్డు గాని పెళ్లి.. చూసుకో లొల్లి లొల్లి అనే పాటకు హౌజ్‌మేట్స్ డ్యాన్స్ చేశారు. ముఖ్యంగా ఈ యంగ్ కంటెస్టెంట్స్ అంతా గంగవ్వ చుట్టూ చేరి ఫన్ క్రియేట్ చేయడం మొదలుపెట్టారు. దాంతో తన పెళ్లి గురించి టాపిక్ తీసింది విష్ణుప్రియ.
ముందుగా విష్ణుప్రియా..
‘‘మా నాన్నమ్మ నాకోసం ఎన్ని పూజలు చేస్తుందో’’ అని ఫీల్ అయ్యింది. అందుకే త్వరగా పెళ్లి చేసుకోమని, వయసు అయిపోతుందని తనకు గుర్తుచేసింది గంగవ్వ. ‘‘నాకు తగ్గ వీరుడు, శూరుడు, ధీరుడు దిగాలి కదా’’ అని సమాధానమిచ్చింది విష్ణుప్రియా. అది విన్న టేస్టీ తేజ.. నేను శూరుడు, ధీరుడు లాగా లేనా అని అడగగా.. సున్నుండలాగా ఉన్నావంటూ కౌంటర్ ఇచ్చింది విష్ణుప్రియా. విష్ణుప్రియాను ఇంప్రెస్ చేయడం కోసం పుష్ అప్స్ చేశాడు టేస్టీ తేజ. కానీ తన వల్ల కాలేదు. అందుకే మోహబూబ్ వచ్చి సాయం చేశాడు. తర్వాత తన ఫిజిక్ నిరూపించుకోడానికి పుషప్స్ చేయబోయి అలాగే పడుకున్నాడు తేజ. గౌతమ్ వచ్చి హెల్ప్ చేస్తే కష్టంగా పుషప్స్ చేశాడు. “చూశావా ఇతను చేయాలంటే ఒకరు రావాలి హెల్ప్‌కు” అని గంగవ్వతో విష్ణుప్రియ చెప్పింది. అది చూసి అందరూ నవ్వుకున్నారు.
బీబీ సూపర్ మార్కెట్
తర్వాత తేజ ఆయాసపడటం చూసి అంతా నవ్వుకున్నారు. అనంతరం బిగ్ బాస్ నుంచి అనౌన్స్‌మెంట్‌ను గౌతమ్ చదివాడు. “మీ దగ్గర ఉన్న రేషన్ మొత్తాన్ని స్టోర్ రూమ్‌లో పెట్టేయండి” అని గౌతమ్ చదివాడు. దాంతో ఫుడ్, రేషన్ మొత్తం స్టోర్ రూమ్‌లో పెట్టారు హౌజ్‌మేట్స్. తర్వాత బీబీ సూపర్ మార్కెట్ ఇప్పుడు ఓపెన్ కాబోతుందని బిగ్ బాస్ చెప్పాడు. బీబీ సూపర్ మార్కెట్‌ను స్క్రీన్‌లో చూపించారు. అందులో కూరగాయలు, నిత్యావసర సరుకులతోపాటు డంబెల్స్ కూడా ఉన్నాయి. అది చూసి మెహబూబ్, ఇతర హౌజ్‌మేట్స్ షాక్ అయ్యారు. డంబెల్స్ ఏందీ బిగ్ బాస్ అని మెహబూబ్ అన్నాడు. కట్ చేస్తే.. వారికి టాస్క్ ఇచ్చినట్లు ఉన్నాడు. హౌజ్‌మేట్స్ అందరికీ సరుకులు తీసుకొచ్చే బాధ్యత మెగా చీఫ్ అయిన నబీల్, క్లాన్ మెంబర్ నిఖిల్‌కు ఇచ్చినట్లు తెలుస్తోంది.
ఏ క్లాన్‌కు ఎంతివ్వాలి
బజర్ మోగగానే నబీల్, నిఖిల్ బీబీ సూపర్ మార్కెట్‌లోకి వెళ్లారు. ఇద్దరు కలిసి రేషన్, కూరగాయలు, వంటకు కావాల్సిన సరుకులు తీసుకొచ్చారు. బజర్ మోగగానే.. ఏ క్లాన్‌కు ఏ వస్తువులు ఇవ్వాలి, ఎంత ఇవ్వాలి అనేది మీరే నిర్ణయించి ఇవ్వాల్సి ఉంటుందని ఆ అధికారం మెగా చీఫ్ నబీల్‌కు చెప్పాడు బిగ్ బాస్. తర్వాత బిగ్ బాస్‌కు చేతులతో మొక్కి రిక్వెస్ట్ పెట్టుకున్నాడు నబీల్. “ఒక్క రిక్వెస్ట్ బిగ్ బాస్. ఒక్క ఉప్పు ప్యాకెట్ కావాలి. ప్లీజ్ బిగ్ బాస్. ప్లీజ్ మీకు పుణ్యం ఉంటది బిగ్ బాస్” అని నబీల్ చేతులెత్తి వేడుకున్నాడు. దాంతో మిగతా కంటెస్టెంట్స్ నవ్వారు. “మీరు కూడా రిక్వెస్ట్ చేయండి” అని నబీల్ అన్నాడు. దాంతో ఏదో మొక్కుబడిగా రిక్వెస్ట్ చేసినట్లు చూపించారు.
ఉప్పుకు 50 వేలు
నబీల్, నిఖిల్ రేషన్ తీసుకొచ్చిన తర్వాత ఎవరెవరికి ఏ వస్తువులు ఇవ్వాలి, ఎంత ఇవ్వాలి అనే నిర్ణయాన్ని వారినే తీసుకోమన్నారు. అప్పుడే తను ఉప్పు ప్యాకెట్ తీసుకురాలేదని నబీల్ గ్రహించాడు. వెంటనే ‘‘ఒక్క రిక్వెస్ట్ బిగ్ బాస్. ఒక్క ఉప్పు ప్యాకెట్ కావాలి. ప్లీజ్ బిగ్ బాస్. మీకు పుణ్యం ఉంటుంది’’ అని తను రిక్వెస్ట్ చేయడంతో పాటు ఇతర కంటెస్టెంట్స్‌తో కూడా రిక్వెస్ట్ చేయించాడు. అంతే కాకుండా చికెన్ కూడా త్యాగం చేయడానికి సిద్ధమని చెప్పాడు. అప్పుడే బిగ్ బాస్ దిమ్మదిరిగే ట్విస్ట్ ఇచ్చారు. ‘‘ఉప్పును పొందడానికి మీకొక అవకాశం ఇస్తున్నారు. ఒక్కొక్క ఉప్పు ప్యాకెట్ ధర రూ.50 వేలు’’ అని అన్నారు బిగ్ బాస్. ఆ డబ్బును విన్నర్స్ ప్రైజ్ మనీ నుండి కట్ అవుతాయని తెలిపారు. ప్రస్తుతం కంటెస్టెంట్స్ ప్రైజ్ మనీ ఖాతాలో రూ.37,50,000 ఉండగా కంటెస్టెంట్స్ అంతా ఆలోచనలో పడ్డారు.
