బిగ్ బాస్ సీజన్ 8 విజేత నిఖిల్! ఫైనల్ ఎపిసోడ్ హైలైట్స్ & ట్విస్ట్‌లు”

2024 డిసెంబర్ 15 ఆదివారం జరిగిన బిగ్ బాస్ తెలుగు సీజన్ 8 గ్రాండ్ ఫినాలే ఎపిసోడ్‌ లో నిఖిల్ విజేతగా నిలిచాడు. గ్లోబల్ స్టార్ రామ్ చరణ్ ప్రత్యేక అతిథిగా హాజరై, నిఖిల్‌కు టైటిల్ ట్రోఫీ అందించాడు. సుమారు 105 రోజులు ఆసక్తికరంగా సాగిన ఈ రియాలిటీ షో భారీ ప్రేక్షకాదరణతో ముగిసింది.

తెలుగు నటుడు గౌతమ్ కృష్ణ రెండో స్థానంలో నిలిచాడు. మొదట 14 మంది మెయిన్ కంటెస్టెంట్స్‌తో ప్రారంభమైన ఈ సీజన్‌లో, ఐదో వారం తర్వాత 8 మంది వైల్డ్ కార్డ్ ఎంట్రీలు ఇచ్చారు. చివరకు ఐదుగురు — గౌతమ్, నిఖిల్, ప్రేరణ, నబీల్, అవినాష్ — టైటిల్ రేసులో నిలిచారు.

ఫైనల్ ఎపిసోడ్‌లో ప్రధాన ఘట్టాలు: గ్లోబల్ స్టార్ రామ్ చరణ్ అయ్యప్ప మాల ధారణలో స్టేజీపైకి వచ్చి విజేతను ప్రకటించడం ఫినాలేలో హైలైట్‌గా నిలిచింది.
కన్నడ నటుడు ఉపేంద్ర, నటి ప్రగ్యా జైస్వాల్, విజయ్ సేతుపతి, మంజు వారియర్ వంటి అతిథులు ఫైనలిస్టులను స్టేజ్ మీదకు తీసుకురావడం ప్రత్యేక ఆకర్షణగా మారింది.
కామెడియన్ అవినాష్ మొదటగా ఎలిమినేట్ అవ్వగా, నబీల్ మూడో స్థానంతో సరిపెట్టుకున్నాడు.

ప్రేరణ & అవినాష్ పారితోషికం:టాప్ 5లో ఏకైక మహిళ అయిన ప్రేరణ, పారితోషికంగా వారానికి రూ. 2 లక్షల చొప్పున తీసుకుని మొత్తం రూ. 30 లక్షలు అందుకున్నట్లు సమాచారం.
కామెడియన్ అవినాష్ కూడా ప్రతి వారం రూ. 2 లక్షల చొప్పున పది వారాలకు గానూ రూ. 20 లక్షలు సంపాదించాడు.

సీజన్ 8 విజేత నిఖిల్:
తెలుగుతో పాటు కన్నడ ప్రేక్షకుల మద్దతు పొందిన నిఖిల్, తన స్ట్రాటజీ, టాస్క్ ప్రదర్శనతో టైటిల్‌ను గెలుచుకున్నాడు. రూ. 55 లక్షల ప్రైజ్ మనీతో పాటు టైటిల్ ట్రోఫీ అందుకోవడం ద్వారా అతను సీజన్ 8కు పర్ఫెక్ట్ ముగింపు ఇచ్చాడు.

తెలుగు రియాలిటీ షో అభిమానులకు ఇది మరపురాని సీజన్‌గా నిలిచింది.