ఎంతో ఉత్కంఠగా ఎదురుచూస్తున్న జూబ్లీహిల్స్ అసెంబ్లీ ఉప ఎన్నిక ఫలితాలు ఈరోజు (శుక్రవారం, నవంబర్ 14, 2025) మరికొన్ని గంటల్లో వెలువడనున్నాయి. యూసుఫ్‌గూడలోని కోట్ల విజయభాస్కర్‌రెడ్డి ఇండోర్‌ స్టేడియం వేదికగా ఉదయం 8 గంటలకు ఓట్ల లెక్కింపు ప్రక్రియ ప్రారంభం అయింది.
- 25వేల ఓట్లకు పైగా మెజారిటీతో విజయం సాధించారు.
- ముగిసిన ఆఖరి (10వ) రౌండ్ కౌంటింగ్.
- భారీ ఆధిక్యం దిశగా దూసుకుపోతోన్న అధికార కాంగ్రెస్.
- అన్ని రౌండ్లలో ఆధిక్యం ప్రదర్శిస్తోన్న కాంగ్రెస్ అభ్యర్థి నవీన్ యాదవ్.
- 9 రౌండ్లు పూర్తయ్యేసరికి ఆయన 23వేలకు పైగా ఓట్ల ఆధిక్యంలో ఉన్నారు.
- 9వ రౌండ్‌లో కాంగ్రెస్‌కు 2,117 ఓట్ల ఆధిక్యం.
- రెండో స్థానంలో కొనసాగుతున్న బీఆర్ఎస్ అభ్యర్థి మాగంటి సునీత.
- 8వ రౌండ్ తర్వాత 19,619 ఓట్ల ఆధిక్యంలో కాంగ్రెస్
- మరోవైపు కౌంటింగ్ కేంద్రం నుండి వెళ్లిపోయిన బీజేపీ అభ్యర్థి లంకల దీపక్ రెడ్డి.
- ఏడో రౌండ్ లోనూ కాంగ్రెస్ స్పష్టమైన ఆధిక్యం.
- 6వ రౌండ్‌లో కాంగ్రెస్ 2938 లీడ్ సాధించింది.
- ఐదో రౌండ్ 3,178 ఓట్ల ఆధిక్యం.
- నాల్గవ రౌండ్ – 3547
- మూడవ రౌండ్ – 2843
- రౌండవ రౌండ్ – 2995
- మొదటి రౌండ్ – 47
- ఈ ఎన్నికలో బీజేపీ కనీస పోటీ ఇవ్వలేకపోవడం గమనార్హం.
ఓట్ల లెక్కింపు వివరాలు:
రౌండ్లు: ఈ ఉప ఎన్నికలో మొత్తం 58 మంది అభ్యర్థులు పోటీలో ఉన్నందున, కౌంటింగ్‌ను 10 రౌండ్లలో పూర్తి చేయనున్నారు.
ఫలిత సమయం: ఒక్కో రౌండ్ ఫలితానికి కనీసం 40 నిమిషాలు పట్టే అవకాశం ఉన్నందున, మధ్యాహ్నం 2 గంటలకల్లా తుది ఫలితం వెలువడే అవకాశం ఉందని జిల్లా ఎన్నికల అధికారి ఆర్వీ కర్ణన్ వెల్లడించారు.
భద్రత: లెక్కింపు కేంద్రం వద్ద ఎలాంటి అవాంఛనీయ సంఘటనలు జరగకుండా సెక్షన్ 144 అమలులో ఉంటుంది.
రాజకీయ విశ్లేషణ:
పోటీ: ఈ ఉప ఎన్నిక కాంగ్రెస్ (నవీన్ యాదవ్), భారాస (మాగంటి సునీత), భాజపా (లంకల దీపక్ రెడ్డి) మధ్య త్రిముఖ పోరుగా మారింది.
ఉత్కంఠ: ఈ ఎన్నిక రాజకీయ పార్టీలకు ప్రతిష్ఠాత్మకంగా మారింది. 48.49 శాతం అతి తక్కువ పోలింగ్ శాతం నమోదు కావడంతో గెలుపుపై ఉత్కంఠ నెలకొంది.
అంచనాలు: ఎగ్జిట్ పోల్స్ అన్నీ అధికార కాంగ్రెస్‌కు 6 నుంచి 9 శాతం వరకు ఆధిక్యం వస్తుందని అంచనా వేస్తున్నప్పటికీ, సిట్టింగ్ స్థానం తమకే దక్కుతుందని భారాస విశ్వాసం వ్యక్తం చేస్తోంది. కాగా, ఈ ఉపఎన్నికలో విజేతగా నిలవాలంటే సదరు అభ్యర్థి సుమారు 97 వేల ఓట్లు సాధించాల్సి ఉంటుంది. విజేత ఎవరనేది కొద్దిసేపట్లోనే తేలనుంది.
