భారత్ మరియు శ్రీలంక సంయుక్తంగా ఆతిథ్యమిస్తున్న ఐసీసీ పురుషుల టీ20 ప్రపంచకప్ క్రికెట్ పండుగ పతాక స్థాయికి చేరుకుంది. గ్రూప్ దశ మరియు సూపర్ 8 మ్యాచ్లు ముగిసిన తర్వాత, నిన్న జరిగిన మొదటి సెమీఫైనల్ పోరులో న్యూజిలాండ్ దక్షిణాఫ్రికాపై ఘనవిజయం సాధించి ఫైనల్ లోకి అడుగుపెట్టింది. ఈ క్రమంలో నేడు మరో కీలక సమరం జరుగనుంది.
రెండవ సెమీఫైనల్లో భాగంగా భారత్, ఇంగ్లండ్ జట్లు తలపడుతున్నాయి. వరుసగా రెండోసారి ఫైనల్ చేరాలన్న లక్ష్యంతో టీమిండియా బరిలోకి దిగుతుండగా, పటిష్టమైన ఇంగ్లండ్ జట్టు కూడా అదే ఉత్సాహంతో సవాల్ విసురుతోంది. ముంబైలోని వాంఖడే స్టేడియంలో జరుగనున్న నేటి మ్యాచ్లో గెలిచిన జట్టు మార్చి 8న అహ్మదాబాద్లోని నరేంద్ర మోదీ స్టేడియంలో న్యూజిలాండ్తో అమీతుమీ తేల్చుకోనుంది.
భారత జట్టుకు సూర్యకుమార్ యాదవ్ నాయకత్వం వహిస్తుండగా, యువ ఆటగాళ్లు సంజు శాంసన్ మరియు రిషబ్ పంత్ అద్భుతమైన ఫామ్లో ఉన్నారు. ముఖ్యంగా వెస్టిండీస్తో జరిగిన సూపర్ 8 మ్యాచ్లో సంజు శాంసన్ ఆడిన ఇన్నింగ్స్ భారత జట్టుకు కొండంత బలాన్ని ఇచ్చింది. బౌలింగ్ విభాగంలో జస్ప్రీత్ బుమ్రా తనదైన శైలిలో ప్రత్యర్థులను కట్టడి చేస్తున్నారు.
సొంత గడ్డపై జరుగుతున్న ఈ టోర్నీలో భారత జట్టుకు అభిమానుల మద్దతు పుష్కలంగా లభిస్తోంది. స్టేడియాలు కిక్కిరిసిపోవడమే కాకుండా, డిజిటల్ ప్లాట్ఫామ్లలో కూడా వ్యూయర్షిప్ రికార్డులు సృష్టిస్తోంది. ఈ గెలుపు భారత క్రికెట్ చరిత్రలో మరో సువర్ణ అధ్యాయంగా నిలుస్తుందని క్రికెట్ విశ్లేషకులు అభిప్రాయపడుతున్నారు.
వరల్డ్ కప్ ఫైనల్ అహ్మదాబాద్లో జరగనుండటంతో దేశవ్యాప్తంగా భారీ ఏర్పాట్లు జరిగాయి. భారత జట్టు ఇంగ్లాండ్ను ఓడించి ఫైనల్కు చేరుకుంటుందని, మరోసారి ప్రపంచ ఛాంపియన్గా నిలుస్తుందని కోట్లాది మంది భారతీయులు ఆకాంక్షిస్తున్నారు.
జట్లు (అంచనా)
భారత్: అభిషేక్ శర్మ, శాంసన్ (వికెట్ కీపర్), ఇషాన్, సూర్యకుమార్ (కెప్టెన్), తిలక్ వర్మ, హార్దిక్, శివం దూబే, అక్షర్ పటేల్, అర్ష్దీప్, బుమ్రా, వరుణ్.
ఇంగ్లండ్: ఫిల్ సాల్ట్, బట్లర్ (వికెట్ కీపర్), బ్రూక్ (కెప్టెన్), బాకబ్ బెథల్, టామ్ బాంటన్, కర్రాన్, విల్ జాక్స్, ఓవర్టన్, లియామ్ డాసన్, ఆర్చర్, ఆదిల్ రషీద్.
