ఆంధ్రప్రదేశ్ రాష్ట్రానికి మరో భారీ పెట్టుబడి రాబోతుందంటూ ఉదయం సంచలన ప్రకటన చేసిన విద్య, ఐటీ శాఖల మంత్రి నారా లోకేష్, అనుకున్న విధంగా సరిగ్గా ఉదయం 9 గంటలకు వివరాలను వెల్లడించారు. రీన్యూ పవర్ (ReNew Power) సంస్థ రాష్ట్రంలో రూ. 82,000 కోట్ల భారీ పెట్టుబడులు పెట్టేందుకు సిద్ధమైనట్లు ఆయన ప్రకటించారు.
#ChooseSpeedChooseAP #CIIPartnershipSummit2025
After 5 years out of AP, it is my proud privilege to announce that Renew is placing an all-in investment on the entire renewable energy value chain in #AndhraPradesh. In an investment spanning Rs. 82,000 crores, Renew will be… pic.twitter.com/JczVgbtcEO— Lokesh Nara (@naralokesh) November 13, 2025
ఐదేళ్ల తర్వాత తిరిగి అడుగు:
మంత్రి నారా లోకేష్ తన ట్వీట్‌లో రీన్యూ పవర్ సంస్థ గురించి కీలక అంశాలను ప్రస్తావించారు:
తిరిగి అడుగు: ఐదు సంవత్సరాల తర్వాత రీన్యూ పవర్ సంస్థ మళ్లీ ఆంధ్రప్రదేశ్‌లో భారీ పెట్టుబడులతో అడుగు పెడుతోందని లోకేష్ తెలిపారు.
రంగం: ఈ పెట్టుబడులు ప్రధానంగా పునరుత్పత్తి శక్తి (Renewable Energy) రంగంలో భారీ ప్రాజెక్టుల నెలకొల్పడానికి ఉద్దేశించినవి.
ముఖ్య పెట్టుబడుల రంగాలు:
రీన్యూ పవర్ పెట్టబోయే పెట్టుబడులు ఈ కింది కీలక రంగాల్లో ఉండనున్నట్లు మంత్రి లోకేష్ గర్వంగా ప్రకటించారు:
సోలార్ ఇంగాట్ & వాఫర్ తయారీ (Solar Ingot & Wafer Manufacturing)
గ్రీన్ హైడ్రోజన్ & గ్రీన్ మాలిక్యూల్స్ ఉత్పత్తి (Green Hydrogen & Green Molecules Production)
నారా లోకేష్ ట్వీట్ సారాంశం:
“5 సంవత్సరాలు ఆంధ్రప్రదేశ్ నుండి బయటకు వచ్చిన తర్వాత, రెన్యూ ఆంధ్రప్రదేశ్‌లోని మొత్తం పునరుత్పాదక ఇంధన విలువ గొలుసుపై పూర్తి పెట్టుబడి పెడుతోందని ప్రకటించడానికి నాకు గర్వంగా ఉంది. రూ. 82,000 కోట్ల పెట్టుబడితో, రెన్యూ సోలార్ ఇంగోట్, వేఫర్ తయారీ, ప్రాజెక్ట్ అభివృద్ధి వరకు మరియు తరువాత గ్రీన్ హైడ్రోజన్ మరియు అణువుల వరకు హై టెక్నాలజీ రంగాలలో పెట్టుబడి పెడుతుంది. వైజాగ్‌లో జరిగే CII భాగస్వామ్య శిఖరాగ్ర సమావేశానికి రెన్యూకార్ప్‌లోని సుమంత్ సిన్హా మరియు అతని బృందాన్ని నేను స్వాగతిస్తున్నాను.” అని తెలిపారు.
