ముఖం ఆరోగ్యంగా, కాంతివంతంగా కనిపించాలంటే కాస్త అయినా స్కిన్ గురించి కేర్ తీసుకోవాలి. అయితే సహజసిద్ధమైన చర్మ సంరక్షణలో ముల్తానీ మట్టి, చందనంను శతాబ్దాలుగా అందాన్ని మెరుగుపరచడానికి ఉపయోగిస్తున్నారు. ముఖ చర్మాన్ని శుభ్రంగా ఉంచే అత్యుత్తమమైన పదార్థాల్లో ముల్తానీ మట్టి, చందనం రెండూ కూడా ముందుంటాయి. కొందరు చందనం పొడి కలిపిన ఫేస్ ప్యాక్ వాడుతారు. మరికొందరు ముల్తానీ మట్టిని ముఖానికి అప్లై చేస్తారు.
ఆయిలీ ఫేస్ ఉండి మొటిమలు వంటి సమస్యలు ఎదుర్కొనే వారు ముల్తానీ మట్టి లేదా చందనం ఉపయోగించొచ్చు. ఇవి చర్మంలో ఉండే ఎక్సట్రా ఆయిల్ తగ్గించి తాజాదనాన్ని అందిస్తాయి. ముల్తానీ మట్టి ఆయిల్ స్కిన్ వారికి..ముఖంపై మెరుపుని తెచ్చి మృదువుగా మారుస్తుంది.
పొడి చర్మం ఉన్నవారు అయితే ముల్తానీ మట్టిని కాస్త తేమ కలిగించే పదార్థాలతో కలిపి వాడాలి. అయితే పూర్తిగా పొడిగా మారకుండా ఉండటానికి చందనం కూడా మంచి ఎంపిక. ఇది చర్మానికి తేమను అందించి మెరిసే తాజాదనాన్ని ఇచ్చేలా పని చేస్తుంది. పొడి చర్మం ఉన్నవారు ముల్తానీ మట్టిని పాలను, పెరుగును లేదా తేనెతో కలిపి ఫేస్ ప్యాక్‌గా ఉపయోగించాలి. దీనివల్ల చర్మం మృదువుగా ఉంచడమే కాకుండా మాయిశ్చరైజింగ్ ప్రొపర్టీస్‌ కలిగి ఉంటాయి.
ముల్తానీ మట్టి వల్ల ముఖంపై ఉన్న నల్ల మచ్చలు, తెల్ల మచ్చలు తగ్గుతాయి. మొటిమలు, చర్మంపై ఏర్పడే పగుళ్లను తగ్గిస్తుంది. అలాగే చర్మానికి అవసరమైన పోషణను అందించి చర్మాన్ని ఆరోగ్యంగా ఉంచుతుంది. చర్మాన్ని మృదువుగా చేసి సహజమైన మెరుపు అందించడంలో ముల్తానీ మట్టి, చందనం రెండూ బాగా పనికొస్తాయి.
