రాబిన్‌హుడ్ ప్రీ రిలీజ్ ఈవెంట్‌లో నటుడు రాజేంద్రప్రసాద్ చేసిన వ్యాఖ్యలు వివాదాస్పదంగా మారాయి. క్రికెటర్ డేవిడ్ వార్నర్‌పై అనుచిత వ్యాఖ్యలు చేసినట్లు ఆరోపణలు వచ్చాయి. ఈ వ్యాఖ్యలు సోషల్ మీడియాలో తీవ్ర విమర్శలకు గురయ్యాయి. దీంతో రాబిన్‌హుడ్ టీమ్‌తో పాటు రాజేంద్ర ప్రసాద్ కూడా నెటిజన్ల నుండి వ్యతిరేకతను ఎదుర్కొన్నారు. ఈ పరిణామాల నేపథ్యంలో రాజేంద్ర ప్రసాద్ తాజాగా డేవిడ్ వార్నర్‌పై తన వ్యాఖ్యల గురించి స్పందిస్తూ బహిరంగంగా క్షమాపణలు చెప్పిన వీడియోను విడుదల చేశారు.
వార్నర్ నేనూ క్లోజ్
నా ప్రాణానికి ప్రాణమైన తెలుగు ప్రేక్షక దేవుళ్లు అందరికీ నమస్కారం.. మొన్న రాబిన్‌హుడ్ ప్రీ రిలీజ్ ఈవెంట్‌లో అనుకోకుండా డేవిడ్ వార్నర్ మీద నా నోటి నుంచి అనుకోకుండా ఓ మాట దొర్లింది.. అది ఏదో ఉద్దేశపూర్వకంగా చేసింది కాదు.. నా గురించి మీకు తెలియనిది కాదు.. ఆ ఫంక్షన్‌కి వచ్చే ముందు మేమంతా కలిసున్నాం.. ఎంత అల్లరి చేశామంటే కనుక నితిన్‌ని, అతడ్ని మీరంతా నా పిల్లల్లాంటోళ్లు అన్నా.. అనేసి ఊరుకోకుండా నేను వార్నర్‌ని గట్టిగా వాటేసుకొని నువ్వు యాక్టింగ్‌లోకి వస్తున్నావ్‌గా రా నీ సంగతి చెప్తా అన్నా.. దానికి మీరు క్రికెట్‌లోకి రండి మీ సంగతి చెప్తా అని వార్నర్ అన్నాడు.. ఇలా చాలా అల్లరి చేసి ఆ ఫంక్షన్‌కి వచ్చాం..
ఏది ఏమైనా ఐ లవ్ డేవిడ్ వార్నర్.. ఐ లవ్ హిజ్ క్రికెట్.. అలానే డేవిడ్ వార్నర్ మన సినిమాల్ని.. మన యాక్టింగ్‌ని చాలా ఇష్టపడతాడు.. నాకు తెలిసి మేము ఒకరికి ఒకరం బాగా క్లోజ్ అయిపోయాం.. ఏది ఏమైనా జరిగిన సంఘటన మీ మనసుల్ని బాధ పెట్టి ఉంటే నన్ను క్షమించండి.. నేను ఉద్దేశపూర్వకంగా అన్నది కాదు.. అయినా కూడా నేను సారీ చెప్తున్నా.. అలాంటిది ఇంకెప్పుడూ జరగదు.. జరగకుండా చూసుకుందాం.. కానీ 28న రాబిన్‌హుడ్ సినిమాని మాత్రం మా అందరి కోసం చూడండి.
