తెలంగాణలో ఇన్‌స్టంట్ బీర్ కేఫ్స్

మందుబాబులకు తెలంగాణ ప్రభుత్వం గుడ్ న్యూస్ చెప్పడానికి రెడీ అవుతోంది. త్వరలో హైదరాబాద్‌లో ఇన్‌స్టంట్ బీర్ కేఫ్‌లు ఏర్పాటు చేయాలని ప్రభుత్వం నిర్ణయం తీసుకోవడానికి సిద్దపడినట్లు తెలుస్తోంది. ఇన్‌స్టంట్ కేఫ్‌లో మైక్రో బ్రూవరీ నుంచి అప్పటికప్పుడు తయారైన ఫ్రెష్ బీరు నేరుగా మందుబాబుల గ్లాసులోకి వస్తుంది. హైదరాబాద్‌లో ప్రతీ 3 కిలోమీటర్లకు ఒకటి చొప్పున..అలాగే జిల్లా కేంద్రాలు, పట్టణాల్లో ప్రతీ 30 కిలోమీటర్లకు ఒకటి చొప్పున ఏర్పాటు చేయడానికి ఎక్సైజ్ శాఖ అధికారులు కసరత్తు చేస్తున్నట్లు సమాచారం. ప్రస్తుతం హైదరాబాద్‌లో స్థానిక సంస్థల ఎమ్మెల్సీ ఎన్నికల కోడ్ అమల్లో ఉండటంతో.. కోడ్ ముగియగానే దీనికి సంబంధించిన నోటిఫికేషన్ విడుదల చేయనున్నట్లు తెలుస్తోంది.

ఇన్‌స్టంట్ కేఫ్‌లో మైక్రో బ్రూవరీ నుంచి అప్పటికప్పుడు తయారైన బీరు నేరుగా గ్లాసులోకి వచ్చే విధానం ప్రస్తుతం విదేశాల్లో మాత్రమే అందుబాటులో ఉండగా.. దీనిని తెలంగాణలోనూ ప్రవేశపెట్టాలని రేవంత్ రెడ్డి సర్కార్ నిర్ణయం తీసుకున్నట్లు తెలుస్తోంది. అదే జరిగితే వేసవిలో మందుబాబులకు బీర్ల కొరత కష్టాలు తీరినట్లే అవుతుంది. దీనికితోడు అప్పటికప్పడు తయారయ్యే ఇన్‌స్టంట్ బీరుతో కొత్త అనుభూతిని పొందుతూ కిక్కును కూడా దగ్గర చేసుకోవచ్చు.

దీనికి తోు మరో కీలక నిర్ణయాన్ని తీసుకోవడానికి కూడా తెలంగాణ ప్రభుత్వం సిద్ధమైంది. తెలంగాణలో కొత్తగా70 బార్లను ఏర్పాటు చేయడానికి సర్కార్ రెడీ అవుతోంది. దీనికి అనుగుణంగా ఆదాయం ఎక్కువగా వచ్చే ప్రాంతాలపైన రేవంత్ ప్రభుత్వం స్పెషల్ ఫోకస్ పెట్టింది. ఇప్పటి వరకూ తెలంగాణ వ్యాప్తంగా 1,171 బార్లు ఉన్నాయి. కాగా వీటిలో సగానికి పైగా హైదరాబాద్, సికింద్రాబాద్‌ ట్విన్ సిటీల్లోనే ఉన్నాయి. దీంతో తెలంగాణ వ్యాప్తంగా పలు ప్రధాన పట్టణాలు, నగరాల్లో కొత్తగా బార్లను ఏర్పాటు చేయడానికి పర్మిషన్ ఇచ్చేందుకు రేవంత్ సర్కార్ సిద్దమైనట్లు సమాచారం.

ఎక్సైజ్ ఖజానా పెంచుకునేందుకు ఈ ప్రతిపాదన తీసుకుని రానున్న తెలంగాణ సర్కార్.. దీంతో పాటు మైక్రోబూవరీల సంఖ్యను కూడా పెంచే అవకాశముంది. దీంతోనే హైదరాబాద్ తో పాటు తెలంగాణలో కూడా ప్రధాన ప్రాంతాలలో ఇన్‌స్టంట్ బీర్ కేఫ్‌ల ఏర్పాటుకు రెడీ అవుతోంది.మరోవైపు తెలంగాణలో త్వరలో కొత్తగా మద్యం బ్రాండ్లు కూడా అందుబాటులోకి రానున్నాయి. ఇప్పటికే బీర్లు, లిక్కర్‌ అమ్మేందుకు కంపెనీల నుంచి TGBCL అఫ్లికేషన్లను కూడా ఆహ్వానించింది. 40 వరకు కంపెనీలు లిక్కర్ సరఫరా చేయడానికి ముందుకు రాగా.. అందులో కూడా 20 వరకూ విదేశీ లిక్కర్‌ బ్రాండ్లు ఉండగా.. 10 వరకు బీర్ల కంపెనీలు ఉన్నాయి.