భారత క్రికెట్ జట్టు ఎన్నో గొప్ప కెప్టెన్లను చూచింది. అయితే, భారత క్రికెట్‌కు కొత్త ఒరవడిని తీసుకురావడంలో సౌరవ్ గంగూలీది ప్రత్యేకమైన స్థానం. ‘క్రికెట్‌ను ఆనందించాలి’ అనే భావనను ‘గెలుపే లక్ష్యంగా’ మార్చిన కెప్టెన్ గంగూలీ. దాదా జీవితాన్ని వెండితెరపై తీసుకురావాలనే ఆలోచన 2019లోనే మొదలైంది. అయితే, నిర్మాణ సంస్థ హక్కులను కొనుగోలు చేసినప్పటికీ, సినిమా సెట్స్ పైకి వెళ్లలేదు. ఐదేళ్ల తరువాత ఈ బయోపిక్ మరోసారి వార్తల్లో నిలిచింది.
ఈ బయోపిక్‌లో సౌరవ్ గంగూలీ పాత్రకు పలు నటుల పేర్లు వినిపించాయి. మొదట రణ్‌బీర్ కపూర్ పేరు ప్రచారంలోకి వచ్చినా, ఆ తర్వాత ఆయుష్మాన్ ఖురానా పేరు తెరపైకి వచ్చింది. తాజా సమాచారం ప్రకారం, ఈ ప్రముఖ పాత్రను నటుడు రాజ్‌కుమార్ రావు పోషించనున్నాడు. ఆయనతో పాటు కొంతమంది బెంగాలీ నటులు కూడా సినిమాలో కనిపించనున్నారు.
విక్రమాదిత్య మోత్వానీ దర్శకత్వం వహించనున్న ఈ బయోపిక్‌కు సంబంధించిన స్క్రిప్ట్ ప్రస్తుతం తుది దశలో ఉంది. చిత్ర సహ నిర్మాత సంజయ్ దాస్ ప్రకారం, స్క్రిప్ట్ మొదటి డ్రాఫ్ట్‌ను గంగూలీ పరిశీలించి కొన్ని మార్పులను సూచించారని తెలుస్తోంది. తుది స్క్రిప్ట్ సిద్ధమైన వెంటనే, సినిమా షూటింగ్ మొదలు కానుంది.
ఈ బయోపిక్‌లో గంగూలీ బాల్యం, టీనేజ్ దశ, క్రికెట్ కెరీర్, అతని నాయకత్వ ప్రయాణం, వ్యక్తిగత జీవితంలో ఎదురైన సవాళ్లు అన్నీ చూపించనున్నారు. ఆసక్తికరంగా, గంగూలీ స్వయంగా ఓ ప్రత్యేక పాత్రలో కనిపించనున్నట్లు సమాచారం.
ఇప్పటికే కపిల్ దేవ్, ఎంఎస్ ధోని, మిథాలీ రాజ్, ముత్తయ్య మురళీధరన్, ప్రవీణ్ తాంబే వంటి క్రికెటర్ల జీవితాలపై సినిమాలు వచ్చాయి. త్వరలోనే యువరాజ్ సింగ్ జీవితాన్ని కూడా వెండితెరపై చూడబోతున్నాం. ఇప్పుడు సౌరవ్ గంగూలీ బయోపిక్ కూడా అందుకు మణికట్టుగా నిలిచే అవకాశం ఉంది.
Sourav Ganguly's Biopic-
former Indian cricket team captain and one of the most influential figures in Indian cricket, recently confirmed that Bollywood actor Rajkummar Rao will portray him in his upcoming biopic. Speaking to the media in Bardhaman, West Bengal, Ganguly shared… pic.twitter.com/MSCdXF0wRV
— Dr. Shiv Narayan S (@Shiv_Narayans) February 21, 2025
