వరల్డ్ టెస్ట్ ఛాంపియన్ షిప్ ఆశక్తికరంగా మారింది. న్యూజిలాండ్‌తో జరిగిన 2 మ్యాచ్‌ల టెస్ట్ క్రికెట్ సిరీస్ ను క్లీన్ స్వీప్ చేసిన శ్రీలంక టెస్ట్ క్రికెట్ జట్టు 2023-25 ICC టెస్ట్ వరల్డ్ ఛాంపియన్‌షిప్ టోర్నమెంట్‌లో పైనల్ రేసులో ముందంజ వేసింది. గాలే అంతర్జాతీయ స్టేడియంలో ఆదివారం ముగిసిన చివరి టెస్టు మ్యాచ్‌లో శ్రీలంక ఇన్నింగ్స్ 154 పరుగుల తేడాతో భారీ విజయాన్ని నమోదు చేసింది. అంతకుముందు సిరీస్‌లో తొలి మ్యాచ్‌లో 63 పరుగుల తేడాతో విజయం సాధించింది.
న్యూజిలాండ్‌పై ఈ టెస్ట్ సిరీస్ విజయంతో, శ్రీలంక ఇప్పుడు WTC 2023-24 పట్టికలో 55.56% సగటుతో 3వ స్థానానికి చేరుకుంది. దీంతో 2025 జూన్ 11 నుంచి 15 వరకు లార్డ్స్‌లో జరిగే ఫైనల్ మ్యాచ్‌ మరో అడుగు దూరంలో నిలిచింది. మరోవైపు న్యూజిలాండ్ 37.5 సగటు విజయ శాతంతో పట్టికలో 7వ స్థానానికి పడిపోయింది.
మరోవైపు పాయింట్ల పట్టికలో టీమ్ ఇండియా అగ్రస్థానంలో కొనసాగుతోంది. రోహిత్ శర్మ నేతృత్వంలోని టీమ్ ఇండియా ఇప్పుడు 71.67 సగటు విజయాలతో అగ్రస్థానంలో నిలిచింది. ఆస్ట్రేలియా 62.50 స్కోరుతో రెండో స్థానంలో ఉంది. తద్వారా భారత్, ఆస్ట్రేలియా జట్లు 5 మ్యాచ్‌ల టెస్ట్ క్రికెట్ సిరీస్ ఆడనుండగా, బోర్డర్ గవాస్కర్ ట్రోఫీ సిరీస్ ను టీమ్ ఇండియా 4-0, 4-1 తేడాతో భారీ విజయాన్ని నమోదు చేస్తే ఫైనల్‌లో శ్రీలంకతో పోటీపడే అవకాశం ఉంది.
న్యూజిలాండ్ జట్టుకు భారీ ఎదురుదెబ్బ
2023-25 టెస్టు ఛాంపియన్‌షిప్‌లో న్యూజిలాండ్ జట్టు భారీ విజయాలను చవిచూసింది. ఈసారి న్యూజిలాండ్ ఇప్పటివరకు 8 మ్యాచ్‌లు ఆడగా కేవలం 3 మ్యాచ్‌ల్లో మాత్రమే విజయం సాధించింది. న్యూజిలాండ్ జట్టు ఇప్పుడు భారత పర్యటనకు రానుంది. భారత్ తో 3 మ్యాచ్‌ల టెస్ట్ సిరీస్‌ను ఆడుతుంది, అందులో వారు అసాధ్యమైన రీతిలో 3-0 తో విజయాన్ని నమోదు చేస్తేనే ఫైనల్‌కు చేరుకోగలరు. అయితే సిరీస్‌ను 3-0తో కైవసం చేసుకునేందుకు భారత్ ఓడించడం అంత సులభం కాదు.
WTC టెస్ట్ ఛాంపియన్‌షిప్ స్టాండింగ్స్ (2023-25)
01.టీమ్ ఇండియా, 10 మ్యాచ్‌లు, 7 విజయాలు, 2 ఓటములు, 1 డ్రా, గెలుపు సగటు 71.67
02.ఆస్ట్రేలియా, 12 మ్యాచ్‌లు, 8 విజయాలు, 3 ఓటములు, 1 డ్రా, విజయ సగటు 62.50
03.శ్రీలంక, 9 మ్యాచ్‌లు, 5 విజయాలు, 4 ఓడిపోయింది, 0 డ్రాలు, గెలుపు సగటు 55.56
04.ఇంగ్లండ్, 16 మ్యాచ్‌లు, గెలుపు 8, 7 ఓటములు, 1 డ్రా, గెలుపు సగటు 42.19
05.బంగ్లాదేశ్, 7 మ్యాచ్‌లు, 3 విజయాలు, 4 ఓటములు, 0 డ్రా,గెలుపు సగటు 69.29.
06.సౌత్ఆఫ్రికా , 6 మ్యాచ్‌లు, 2 విజయాలు, 3 ఓటములు, 1 డ్రా, గెలుపు సగటు 38.89
07.న్యూజిలాండ్, 8 మ్యాచ్‌లు, 3 విజయాలు, 5 ఓటములు, గెలుపు సగటు 37.50
08.పాకిస్థాన్, 7 మ్యాచ్‌లు, 2 విజయాలు, 5 ఓటములు, విజయ సగటు 19.05
09.వెస్టిండీస్, 9 మ్యాచ్‌లు, 1 గెలుపు, 6 ఓటములు, 2 డ్రాలు, సగటు 18.52
