ఐకాన్ స్టార్ అల్లు అర్జున్ ప్రధాన పాత్రలో నటించిన పుష్ప 2: ది రూల్ సినిమా థియేటర్లలో భారీ విజయం సాధిస్తూ కలెక్షన్ల సునామీ సృష్టిస్తోంది. డిసెంబర్ 5న థియేటర్లలో విడుదలైన ఈ సినిమా 21 రోజుల్లోనే రూ.1705 కోట్ల వసూళ్లను సాధించింది. ఈ విషయాన్ని చిత్ర బృందం అధికారికంగా ప్రకటిస్తూ సోషల్ మీడియాలో ఓ పోస్టర్‌ను విడుదల చేసింది.
2021లో విడుదలైన పుష్ప: ది రైజ్ సినిమా పాన్-ఇండియన్ స్థాయిలో సూపర్ హిట్ అయింది. ఈ సినిమా ఉత్తర భారతదేశంలో విశేష ఆదరణ పొందడంతో రెండో భాగంపై కూడా భారీ అంచనాలు నెలకొన్నాయి. సుకుమార్ దర్శకత్వంలో రూపొందిన పుష్ప 2లో అల్లు అర్జున్ తన నటన, మ్యానరిజమ్స్‌తో ప్రేక్షకులను మెప్పించారు. మొదటి భాగంలో కూలీగా కనిపించిన ఆయన, రెండో భాగంలో స్మగ్లింగ్ కింగ్‌పిన్‌గా ఆకట్టుకున్నారు.
బాక్సాఫీస్ వద్ద రికార్డులు
పుష్ప 2 విడుదలైన 21 రోజుల్లోనే ప్రపంచవ్యాప్తంగా రూ.1705 కోట్లు వసూలు చేసింది. ఈ సినిమా 3 గంటల 25 నిమిషాల నిడివితో ప్రేక్షకులకు అద్భుతమైన విజువల్ అనుభవాన్ని అందిస్తోంది. ప్రత్యేకంగా బాలీవుడ్ మార్కెట్‌లో పుష్ప 2 అదిరిపోయే వసూళ్లు సాధించింది. హిందీలో రూ.700 కోట్ల నెట్ కలెక్షన్ సాధించిన పుష్ప 2, బాలీవుడ్ హిస్టరీలో తెలుగు సినిమాకు కొత్త రికార్డులు నెలకొల్పింది.
తెలుగు ఇండస్ట్రీలో ఆల్‌టైమ్ అత్యధిక వసూళ్లు సాధించిన సినిమా ‘బాహుబలి 2’ (రూ.1800 కోట్ల పైగా)తో సమీపంలోనే ఉంది. బాహుబలి 2 వసూళ్లను పుష్ప 2 దాటిస్తుందన్న అంచనాలు ట్రేడ్ వర్గాలు వెలిబుచ్చాయి. ఈ సినిమాకు 3D వెర్షన్ కూడా విడుదల కావడం మరో ప్రత్యేక ఆకర్షణగా నిలిచింది. ప్రస్తుతం థియేటర్లలో పెద్ద సినిమాల విడుదల లేకపోవడంతో పుష్ప 2 జోరు మరో వారం రోజుల పాటు కొనసాగనుందని ట్రేడ్ విశ్లేషకులు భావిస్తున్నారు.
పుష్ప 2: ది రూల్ సినిమా, ఇప్పటి వరకు బాహుబలి 2 వసూళ్లకు దగ్గరగా ఉంది. ఇది అతి త్వరలోనే ఆ రికార్డును అధిగమిస్తుందన్న నమ్మకంతో ట్రేడ్ వర్గాలు ఉన్నాయి. ప్రపంచవ్యాప్తంగా పుష్పరాజ్ మ్యానియాతో ప్రేక్షకులు ఈ సినిమాను ఆస్వాదిస్తున్నారు.
ఓటీటీలో విడుదల అప్పుడే..
పుష్ప 2 త్వరలో ఓటీటీలోకి వస్తుందన్న వార్తలు సోషల్ మీడియాలో చక్కర్లు కొడుతున్నప్పటికీ, చిత్ర బృందం స్పష్టతనిచ్చింది. సినిమా విడుదలైన 56 రోజుల కంటే ముందు ఏ ఓటీటీ ప్లాట్‌ఫార్మ్‌లోనూ విడుదల చేయమని వెల్లడించింది. ఈ లెక్కన, ఫిబ్రవరి మొదటి వారంలో పుష్ప 2 ఓటీటీలో స్ట్రీమింగ్‌కు వచ్చే అవకాశం ఉంది.
THE HIGHEST GROSSER OF INDIAN CINEMA IN 2024 continues to topple records 💥💥#Pushpa2TheRule is the FASTEST INDIAN FILM EVER to collect 1700 CRORES with a gross of 1705 CRORES WORLDWIDE in 21 days ❤️🔥
Book your tickets now!
🎟️ https://t.co/tHogUVEgCt#Pushpa2#WildFirePushpa… pic.twitter.com/vrL2RHqcSq— Mythri Movie Makers (@MythriOfficial) December 26, 2024
