భారత క్రికెట్ నియంత్రణ మండలి (బీసీసీఐ) ఐపీఎల్ 2025 సీజన్‌ను కాస్త ఆలస్యంగా ప్రారంభించాలని నిర్ణయించింది. మొదటగా మార్చి 14న ప్రారంభం కావాల్సిన టోర్నీ ఇప్పుడు మార్చి 21న మొదలుకానుంది. ఈ మార్పుకు ప్రధాన కారణం అదే కాలంలో ఛాంపియన్స్ ట్రోఫీ 2025 ముగియడం. ఇక ఫైనల్ మ్యాచ్ మే 25న జరగనుంది.
మ్యాచ్‌ల నిర్వహణ వేదికలు:
సంప్రదాయం ప్రకారం, గత సీజన్ టైటిల్ విజేత కోల్‌కతా నైట్ రైడర్స్ తొలి మ్యాచ్ మరియు ఫైనల్ మ్యాచ్‌లను తమ సొంత మైదానమైన ఈడెన్ గార్డెన్స్‌లో ఆడనుంది. అలాగే, రన్నరప్ సన్ రైజర్స్ హైదరాబాద్ ఉప్పల్ స్టేడియంలో క్వాలిఫయర్ 1 మరియు ఎలిమినేటర్ మ్యాచ్‌లను ఆతిథ్యం ఇవ్వనుంది. టోర్నీ మొత్తం 74 మ్యాచ్‌లతో కొనసాగనుంది.
మహిళల ప్రీమియర్ లీగ్ కీలక మార్పులు:
ఈసారి మహిళల ప్రీమియర్ లీగ్ (డబ్ల్యూపీఎల్) కోసం నాలుగు ప్రధాన వేదికలను ఎంపిక చేశారు: ముంబై, బెంగళూరు, బరోడా, లక్నో.
ప్రవర్తన నియమావళిలో మార్పులు:
ఐపీఎల్ 2025 నుంచి ఐసీసీ ప్రవర్తన నియమావళిని అనుసరించనున్నారు. ఇప్పటివరకు ఐపీఎల్‌లో ప్రత్యేక నియమావళి అమలులో ఉండగా, ఈ కొత్త నిర్ణయం టోర్నీకి కొత్త పరిణామాలను తెచ్చే అవకాశం ఉంది.
కాగా పంజాబ్ కింగ్స్ జట్టు మెగా వేలంలో రూ.26.75 కోట్లు వెచ్చించి శ్రేయస్ అయ్యర్‌ను కొనుగోలు చేసింది. తాజాగా అతడిని జట్టు కెప్టెన్‌గా ప్రకటించింది. బీసీసీఐ త్వరలో పూర్తి షెడ్యూల్‌ను విడుదల చేయనుంది.
𝐒𝐡𝐞𝐫 𝐧𝐚𝐡𝐢, 𝐛𝐚𝐛𝐛𝐚𝐫 𝐒𝐇𝐑𝐄 𝐚𝐚! 🦁🔥#SherSquad, how excited are you to see Shreyas Iyer as our captain? ©️#ShreyasIyer #SaddaPunjab #PunjabKings pic.twitter.com/Y7u266jCOU
— Punjab Kings (@PunjabKingsIPL) January 12, 2025
 ఐపీఎల్ 2025 సీజన్‌ను కాస్త ఆలస్యంగా ప్రారంభించాలని నిర్ణయించింది. మొదటగా మార్చి 14న ప్రారంభం కావాల్సిన టోర్నీ ఇప్పుడు మార్చి 21న మొదలుకానుంది.){kind=link}