భారత క్రికెట్‌ అభిమానులు విరాట్ కోహ్లీ దేశవాళీ క్రికెట్‌లో ఎలా రాణిస్తాడో అనేక ఆసక్తిగా ఎదురుచూశారు. అయితే, వారి అంచనాలను అందుకోలేకపోయాడు. రంజీ ట్రోఫీలో దిల్లీ తరఫున రైల్వేస్ జట్టుతో జరిగిన మ్యాచ్‌లో విరాట్ కేవలం 6 పరుగులకే ఔటయ్యాడు. ఇది అభిమానులకు పెద్ద షాక్‌గా మారింది.
దీర్ఘకాలం తర్వాత దేశవాళీ క్రికెట్‌లో కోహ్లీ
విరాట్ కోహ్లీ అంతర్జాతీయ స్థాయిలో ఎన్నో రికార్డులు తిరగరాసిన ఆటగాడు. కానీ దేశవాళీ క్రికెట్‌లో అతని తిరిగి ప్రవేశం అంతగా విజయవంతం కాలేదు. అతడు చివరగా 2013లో రంజీ ట్రోఫీలో ఆడాడు. పదేళ్లకు పైగా గడిచిన తర్వాత కోహ్లీ మళ్లీ దేశవాళీ క్రికెట్‌లో అడుగుపెట్టడం అభిమానులను ఉత్సాహపరిచింది. కానీ, అతని తొలి ఇన్నింగ్స్‌లోనే నిరాశ ఎదురైంది.
రైల్వేస్ బౌలింగ్‌కు కోహ్లీ ఔట్..
యశ్ ధూల్ ఔటైన తర్వాత కోహ్లీ రెండో డౌన్‌లో క్రీజ్‌లోకి వచ్చాడు. అయితే, రైల్వేస్ బౌలర్ సంగ్వాన్ వేసిన లైన్ అండ్ లెంగ్త్ బాల్‌ను సరిగ్గా ఆడలేకపోయాడు. ఆఫ్‌ స్టంప్‌ ఎగిరిపడడంతో కోహ్లీ క్లీన్ బౌల్డ్ అయ్యాడు. దీంతో స్టేడియం నిశ్శబ్దంగా మారిపోయింది. కోహ్లీ బ్యాటింగ్ కోసం ఆసక్తిగా ఎదురుచూసిన అభిమానులకు ఇది పెద్ద నిరాశను మిగిల్చింది.
ఇటీవలే రోహిత్ శర్మ, రిషభ్ పంత్, యశస్వి జైస్వాల్ వంటి బ్యాట్స్‌మెన్ కూడా తక్కువ స్కోరుకే ఔటయ్యారు. దీంతో, దేశవాళీ క్రికెట్‌లో స్టార్ ఆటగాళ్ల పేలవ ప్రదర్శనపై చర్చ జరుగుతోంది. కోహ్లీ నుంచి భారీ ఇన్నింగ్స్ ఆశించిన అభిమానులకు ఈ ఆట నిలువెత్తు నిరాశగా మారింది.
కోహ్లీ ఫామ్‌పై ప్రశ్నలు?
ఇటీవల కోహ్లీ మళ్లీ ఫామ్‌లోకి వచ్చాడని భావించారు. కానీ ఈ మ్యాచ్‌లో అతని విఫలం చర్చనీయాంశమైంది. అంతర్జాతీయ క్రికెట్‌లో మళ్లీ రాణించాలంటే, అతను మరింత కసితో ఆడాల్సిన అవసరం ఉంది. రంజీ ట్రోఫీలో వచ్చే మ్యాచ్‌ల్లో విరాట్ ఎలాంటి ప్రదర్శన ఇస్తాడో చూడాలి.
కోహ్లీ బ్యాటింగ్ చూసేందుకు భారీ సంఖ్యలో అభిమానులు స్టేడియానికి వచ్చారు. అతను బ్యాటింగ్‌కు దిగినప్పుడు స్టేడియం నినాదాలతో మార్మోగింది. కానీ అతను తక్కువ పరుగులకే ఔటవడంతో అభిమానులు పూర్తిగా నిరుత్సాహపడ్డారు. ఎంతో ఉత్సాహంగా స్టేడియానికి వచ్చిన వారంతా మౌనంగా తిరిగి వెళ్లిపోయారు. ఇప్పుడంతా విరాట్ కోహ్లీ రాబోయే మ్యాచ్‌లో ఎలా రాణిస్తాడన్నదే ఆసక్తిగా మారింది.
📢 Virat Kohli, star Indian batter, getting clean bowled in a domestic match at 6, tell us he is past his prime and nearing his retirement.#ViratKohli #RanjiTrophy
pic.twitter.com/HMvT3S6NUe— Global News (@GlobalNewz_) January 31, 2025
