భారత క్రికెట్ అభిమానులకు మళ్లీ సందడి మొదలైంది! ఐపీఎల్ 2025 సీజన్ షెడ్యూల్ విడుదలైంది, మరియు ప్రపంచవ్యాప్తంగా క్రికెట్ ప్రేమికులు ఈ ప్రతిష్టాత్మక టోర్నమెంట్‌ను ఆస్వాదించేందుకు ఆసక్తిగా ఎదురుచూస్తున్నారు. మార్చి 22 నుండి మే 25 వరకు మొత్తం 74 మ్యాచులు 65 రోజులపాటు జరిగే ఈ సీజన్, ఉత్కంఠభరితమైన పోరులకు వేదిక కానుంది. టోర్నమెంట్ తొలి మ్యాచ్ డిఫెండింగ్ ఛాంపియన్ కోల్‌కతా నైట్‌రైడర్స్ (KKR) – రాయల్ ఛాలెంజర్స్ బెంగళూరు (RCB) మధ్య ఈడెన్ గార్డెన్స్ వేదికగా జరగనుంది. అలాగే, హైదరాబాద్‌లో ఉప్పల్ స్టేడియం వేదికగా మార్చి 23న సన్‌రైజర్స్ హైదరాబాద్ – రాజస్థాన్ రాయల్స్ మధ్య రెండో మ్యాచ్ జరగనుంది.
IPL 2025 టికెట్లను ఎలా బుక్ చేసుకోవాలి?
ఆన్లైన్ టికెట్ బుకింగ్:
IPL 2025 మ్యాచ్‌ల టిక్కెట్లు అనేక ప్లాట్‌ఫామ్స్‌లో అందుబాటులో ఉంటాయి. క్రికెట్ అభిమానులు ఈ టిక్కెట్లను క్రింద తెలిపిన అధికారిక వెబ్‌సైట్‌ల ద్వారా బుక్ చేసుకోవచ్చు:
IPL అధికారిక వెబ్సైట్: https://www.iplt20.com/
BookMyShow & Paytm: IPL మ్యాచ్‌ల కోసం ప్రత్యేకంగా టిక్కెట్లు విక్రయించే వెబ్‌సైట్‌లు
IPL జట్ల అధికారిక వెబ్‌సైట్‌లు
ఆన్లైన్ బుకింగ్ విధానం:
అధికారిక వెబ్సైట్ (https://www.iplt20.com/) కు వెళ్లి “Buy IPL 2025 Tickets” క్లిక్ చేయండి.
మీకు కావాల్సిన మ్యాచ్ మరియు వేదికను ఎంచుకోండి.
అందుబాటులో ఉన్న సీటింగ్ కేటగిరీలను పరిశీలించి, మీకు నచ్చిన క్యాటగిరీని సెలెక్ట్ చేయండి.
చెల్లింపును పూర్తి చేయడానికి క్రెడిట్ కార్డు, డెబిట్ కార్డు, యూపీఐ లేదా నెట్ బ్యాంకింగ్ వంటి ఆప్షన్స్‌లో ఏదైనా ఎంచుకోండి.
చెల్లింపు పూర్తయిన తర్వాత, టికెట్ మీ రిజిస్టర్డ్ ఈమెయిల్ లేదా మొబైల్ నంబర్‌కు పంపబడుతుంది.
ఆఫ్‌లైన్ టికెట్ బుకింగ్:
ఆన్లైన్ బుకింగ్‌కు అదనంగా, అభిమానులు స్టేడియం బాక్సాఫీస్‌లు మరియు అధికారిక రిటైల్ అవుట్‌లెట్‌ల వద్ద కూడా టిక్కెట్లు కొనుగోలు చేయవచ్చు. టిక్కెట్ బుక్ చేసుకునే సమయంలో తప్పనిసరిగా చెల్లుబాటు అయ్యే గుర్తింపు పత్రం (ఆధార్, పాన్ కార్డ్ లేదా పాస్‌పోర్ట్) చూపించాలి. నగదు, కార్డ్ లేదా డిజిటల్ పేమెంట్ ద్వారా చెల్లించాక టిక్కెట్లు పొందవచ్చు.
IPL 2025 టికెట్ ధరలు (అంచనా మాత్రమే)
సాధారణ టిక్కెట్లు: ₹800 – ₹1,500
ప్రీమియం టిక్కెట్లు: ₹2,000 – ₹5,000
VIP/ఎగ్జిక్యూటివ్ బాక్స్: ₹6,000 – ₹20,000
కార్పొరేట్ బాక్స్: ₹25,000 – ₹50,000
అభిమానులు ముందుగానే తమ టిక్కెట్లను బుక్ చేసుకోవడం ద్వారా తమ అభిమాన జట్ల మ్యాచ్‌లను ప్రత్యక్షంగా వీక్షించేందుకు సిద్ధం కావచ్చు.
