తెలంగాణ రాష్ట్ర మంత్రి కొండా సురేఖ ప్రముఖ సినీ నటుడు అక్కినేని నాగార్జున మరియు వారి కుటుంబ సభ్యులకు సంబంధించి గతంలో తాను చేసిన వ్యాఖ్యలపై తాజాగా వివరణ ఇచ్చారు. ఆ వ్యాఖ్యలను ఉపసంహరించుకుంటూ ఆమె ట్విట్టర్ (ఎక్స్) వేదికగా బుధవారం (నవంబర్ 12, 2025) ఒక ప్రకటన విడుదల చేశారు.
వివరణ, ఉపసంహరణ
మంత్రి కొండా సురేఖ తన ప్రకటనలో ముఖ్యంగా ఈ అంశాలను ప్రస్తావించారు:
- నాగార్జున గారిని లేదా ఆయన కుటుంబ సభ్యులను బాధపెట్టే ఉద్దేశం నాకు లేదు. అక్కినేని నాగార్జున గారిని లేదా వారి కుటుంబ సభ్యులను బాధపెట్టే లేదా అపఖ్యాతి పాలు చేసే ఉద్దేశం నాకు ఏమాత్రం లేదు.
- నా వ్యాఖ్యల ద్వారా వారికి ఏదైనా అనుకోని అపార్థం కలిగించినట్లయితే నేను చింతిస్తున్నాను.
- వారికి సంబంధించి నేను చేసిన వ్యాఖ్యలను నేను ఉపసంహరించుకుంటున్నాను.
I would wish to clarify that the statement I had made in relation to @iamnagarjuna Garu was not intended to hurt Nagarjuna Garu or his family members.
I had no intention of hurting or defaming Akkineni Nagarjuna Garu or his family members.
I regret any unintended impression…
— Konda Surekha (@iamkondasurekha) November 11, 2025
అయితే, హీరో నాగార్జునపై మంత్రి కొండా సురేఖ చేసిన వ్యాఖ్యలు రాజకీయ మరియు సినీ వర్గాల్లో తీవ్ర చర్చనీయాంశమయ్యాయి. ఈ నేపథ్యంలో, ఆమె తాజాగా తన వ్యాఖ్యలను ఉపసంహరించుకోవడం గమనార్హం. కాగా, దీనిపై నాగార్జున నుండి కానీ, ఆయన ఫ్యామిలీ మెంబర్స్ నుండి కానీ ఇంతవరకూ ఎలాంటి ప్రతిస్పందన రాలేదు.
