పల్నాడు జిల్లా వినుకొండ పట్టణంలో ముండ్లమూరు బస్టాండ్‌ వద్ద నడిరోడ్డుపై, అందరూ చూస్తుండగా హత్యకు గురైన షేక్‌ రషీద్‌ అనే యువకుడి కుటుంబాన్ని పరామర్శించేందుకు మాజీ సీఎం, వైసీపీ అధినేత వైఎస్ జగన్మోహన్ రెడ్డి వెళ్లారు. దీనిపై ఆగ్రహంగా ఉన్న వైసీపీ అధినేత జగన్ బెంగళూరు నుంచి హుటాహుటిన తాడేపల్లి చేరుకున్నారు. పార్టీ నేతలతో కలిసి ఆయన తన కాన్వాయ్‌లో వినుకొండకు వెళ్లారు. మృతుల కుటుంబాలను పరామర్శించి ఆదుకుంటామన్నారు. వినుకొండలో ప్రస్తుతం 144 సెక్షన్ అమలులో ఉంది. ర్యాలీలు మరియు ప్రదర్శనలను నిషేధించారు. ర్యాలీలకు అనుమతి లేదని పల్నాడు ఎస్పీ ప్రకటించారు.
అంతకుముందు వైఎస్ జగన్‌మోహన్‌రెడ్డి వినుకొండకు వెళ్తున్న ఆయన కాన్వాయ్‌పై పోలీసులు ఆంక్షలు విధించారు. జగన్ కాన్వాయ్‌ని పోలీసులు అడ్డుకోవడంతో తాడేపల్లి, మంగళగిరి, గుంటూరులో పరిస్థితి ఉధృతమైంది. గతంలో జగన్ భద్రత కోసం ఉపయోగించిన బుల్లెట్ ప్రూఫ్ వాహనాన్ని కూడా తొలగించారు. అందులో ఏవో మెకానికల్ సమస్యలు ఉన్నట్లు పోలీసులు చెప్తున్నారు. దీంతో జగన్ ఇప్పుడు ప్రైవేట్ వాహనంలో వినుకొండకు వెళ్లారు. ఆయన వెంట వస్తున్న పార్టీ నేతలను పోలీసులు అడ్డుకున్నారు. జగన్ వెంట వెళ్లేందుకు సిద్ధమైన మాజీ మంత్రులు, ఎంపీలు, ఎమ్మెల్సీలు, మాజీ ఎమ్మెల్యేలను కాన్వాయ్‌లోకి రానీయకుండా అడ్డుకున్నారు. పోలీసులు వాహనాల రాకపోకలను నియంత్రిస్తూ, మాజీ ముఖ్యమంత్రిని ఏ పార్టీ నాయకుల కార్లు అనుసరించకుండా చూసుకుంటున్నారు. దీంతో పోలీసుల తీరుపై వైఎస్సార్ కాంగ్రెస్ పార్టీ నేతలు తీవ్ర స్థాయిలో విమర్శలు గుప్పిస్తున్నారు.
మ్యాంగో న్యూస్ లింక్స్:
టెలీగ్రామ్ : https://t.me/mangonewsofficial
గూగుల్ ప్లే స్టోర్ : https://bit.ly/2R4cbgN
ఆపిల్/ఐఓఎస్ స్టోర్ : https://apple.co/2xE
