కేంద్ర రక్షణ శాఖ మంత్రి రాజ్‌నాథ్‌ సింగ్‌ కు కరోనా పాజిటివ్

January 11, 2022

దేశంలో కరోనా వైరస్ ప్రభావం కొనసాగుతుంది. ఈ నేపథ్యంలో ఇప్పటికే పలువురు ముఖ్యమంత్రులు, కేంద్రమంత్రులు, ఎంపీలు, ఎమ్మెల్యేలు సైతం కరోనా బారినపడ్డారు. తాజాగా మరో కేంద్రమంత్రికి కరోనా సోకింది. కేంద్ర రక్షణ శాఖ మంత్రి రాజ్‌నాథ్‌ సింగ్‌ కు కరోనా పాజిటివ్ గా నిర్ధారణ అయింది. ఈ విషయాన్ని ఆయనే ట్విట్టర్ ద్వారా స్వయంగా ప్రకటించారు. “తేలికపాటి లక్షణాలతో ఈరోజు నాకు కరోనా పాజిటివ్ అని తేలింది. ప్రస్తుతం హోం క్వారంటైన్‌లో ఉన్నాను. ఇటీవల నా కాంటాక్ట్‌కి వచ్చిన ప్రతి ఒక్కరూ ఇతరులతో వేరుగా ఉండి, కరోనా పరీక్షలు చేయించుకోవాలని అభ్యర్థిస్తున్నాను” అని కేంద్ర మంత్రి రాజ్‌నాథ్‌ సింగ్‌ ట్వీట్ చేశారు.

I have tested positive for Corona today with mild symptoms. I am under home quarantine. I request everyone who have recently come in my contact to isolate themselves and get tested.

— Rajnath Singh (@rajnathsingh) January 10, 2022